المساعد الشخصي الرقمي

مشاهدة النسخة كاملة : حصريا المعـادلـة الاستـراليـة amc من الالف الي الياء ( الجزء التاني والثالث )


zola_797
07-29-2010, 01:11 AM
السلام عليكم ورحمه الله وبركاته


فيه ناس يمكن تعرفني وفيه ناس لا , انا كنت كتبت موضوع المعادله الاستراليه في احد المنتديات وتقوفت فجاه بدون ما اكمل , بس ده كان لظروف خاصه بالمعادله سوف اشرحها لكم , والذي جعلني اكمل بعد اللي حصل لي هو احد اعضاء المنتدي الذي طلب انا احكي ليكم كل شي بدايه من مصر هنا حتي استراليا ثم عودتي ثم عودتي ان شاء الله الي استراليا حتي لا يخطئ احد في اخطائي


سوف ابدا من البدايه ومستعد لاسئلتكم

zola_797
07-29-2010, 01:19 AM
سلام عليكم . في الاول انا اعرفكم بنفسي , انا اسمي د . احمد من الشرقيه من مدينه فاقوس وانا دلوقتي تكليف , النهارده اكلمكم عن موضوع مهم جدا وجميل جدا وهو المعادله الاستراليه من الالف الي الي الياء , من لماذا تفكر فيها مرورا بالتسجيل مرورا بالكتب اللي اتذاكر بها وتوثيق الورق والرسوم ومواعيد الامتحان والتاشيره وخطوط الطيران اللي اتسافر عليها واسعارها ومواعيدها وزاي تبحث عن سكن في استراليا من قبل ما تدخل هناك . كل الخطوات ديه انا عملتها وعن خبره صادقه بدون مبالغه , فاعذروني عن التاخير في الكتابه لاني مشغول بتخليص الورق, علي فكره اللي خلاني اكتب عن الموضوع ده سببين الاول خدمه اخواني من اطباء مصر ونصحهم من مبدا الدين نصيحه والسبب الثاني مرتبط بالاول وهو اني لاحظت اكتر ناس بيقدموا علي الامتحان ده من الهند وبجلادش وافغانستان وباكستان وهم مش احسن من دكاتره بلدي وعلي فكره احنا مستوانا احسن منهم بمراحل فوق ما تصوروا .
اولا : لماذا استراليا :
لاسباب كثيره منها ان المعادله بتاعتها سهله بالنسبه للمعادله الانجليزيه واقل تكلفه بالنسبه للكنديه او الامريكيه , ولان استراليا كما يسموها بلد المهجر وفي عجز شديد بالنسبه للاطباء , وايضا لان الدخل هناك بالنسبه للاطباء اعلي بكثير من مصر ومن دول الخليج , ولا يوجد هناك حكايه كادر الاطباء ولا يحزنون.
ثانيا : التسجيل :
هناك عده خيارات للتسجيل وهي مثلا لو انت واخد المعادله الانجليزيه او الكنديه او الامريكه ممكن تعادلها بالاستراليه ,
طريق اخر وهو اللي كل الناس بتعمله وهو انك تسجل في المجلس الطبي الاسترالي وذلك لدخول الامتحان الخاص بهم والمتحان ده جزءين نظري (mcq ) وعملي , كيف يتم التسجيل هذا هو الي اشرحه لكم حتي لا توجد اخطاء وتاخير حتي لا يحصل كما حصل معي .
اول حاجه تروح للموقع بتاعهم www.amc.org.auثم بعد كده تسجل ولازم يكون عندك ماستر كارد او فيزا علشان تدفع الرسوم الاوليه وهي 175 دولار استرالي , طيب ازاي اتعمل ماستر كارد او فيزا كارد . لو رحت لاي بنك في مصر ايقول لك لازم تفتح حساب 5000 جنيه وتاخذ الكارد , طبعا انت مش معاك . تعمل ايه , روح لبنك مصر واعمل فيزا الانترنت المدفوعه مقدما وديه ب12 جنيه وبعد كده ضع فب المبلغ اللي يناسبك, و علي فكره لازم يكون معاك جواز سفر علشان التسجيل , نرجع لموضوعنا , تدخل الموقع وتسجل , التسجيل من عده خطوات وصفحات وهي كالاتي تكتب اسمك زي ماهو موجود في الجواز حرف حرف , وتخلي الشهاده بتاعتك من الكليه بالعربي والانجليزي ومره تانيه تخلي الشهاده بتاعنك اللي بالانجليزي اسمك فيها زي الجواز بالضبط . بعد ما تسجل اسمك اتروح للصفحه التانيه وتسجيل بياناتك وتاريخ ميلادك وعنوانك واسم كليتك , بعد كده الصفحه الي بعد كده وهي الخطوه المهمه جدا ,

zola_797
07-29-2010, 01:20 AM
للصفحه التاليه وهي بتاعت اثبات الشخصيه الخاص بك , وبسبب اخوانا الهنود اللي بيقدموا شهادات مزوره , استراليا عامله شروط علشان تتاكد من شخصيتك مطابقه للي موجود في الشهاده ولا لا وهي كالاتي , عامله خمسه فئات , الفئه الاولي 70 نقطه , الفئه الثانيه 70 نقطه , الفئه الثالثه 40 نقطه ,الفئه الخامسه 25 نقطه , سيادتك مفروض يكون عندك اكثر من 100 نقطه , ازاي ,


احنا وصلنا لاثبات الشخصيه وقلنا في اربع فئات ولازم تجمع فوق 100 نقطه ازاي ,
الفئه الاولي ب 70 نقطه وهي يكون معاك تسجيل طبي من اي ولايه استراليه . حضرتك طبعا مش معاك , روح للفئه التانيه وهي ب70 نقطه ايضا وهي و يكون معاك جواز سفر او شهاده ميلاد بالانجليزي , طبعا انا اخترت جواز السفر ليه و لانهم بيفضلوه ولانه في صورتك , ومكتوب بالعربي والانجليزي , اذا كده انت اتختار جواز السفر وكده ايكون عندك 70 نقطه , روح للفئه التالته ب 40 نقطه وهي يكون معاك بطاقه هويه استراليه او بطاقه موظف استراليه او معاك شهاده امتحان ايلتس ويكون فيها بياناتك علي فكره تكلفه امتحان الايلتس 750 جنيه مصري سيبك من الفئه ديه , روح للفئه الرابعه وهي ب25 نقطه , اذا كده لازم يكون معاك حاجنين منها علشان يكونوا ب50نقطه + 70نقطه بتاعت جواز السفر وكده يكون عديت ال100 نقطه , الفئه الرابعه فيها ايه , اقول لك كارد بنك زي الفيزا (25 نقطه) اللي عملتها ورخصه قياده دوليه (25نقطه) , طيب انت معاك رخصه مصريه ,تعمل ايه , روح للاداره العامه للمرور عند جامع رابعه وروح قول انا عاوز شهاده تحريات للرخصه الدوليه , اتاخذها ببلاش وانت واقف , بعد كده روح لنادي السيارات اللي في وسط البلد في شارع قصر النيل واديهم شهاده التحريات +صوره من الرخصه بتاعتك وادفع 40 جنيه واتسلتم الرخصه بعد ساعه , وخليهم يكتب اسمك بالانجليزي بالضبط حرف حرف زي اللي انت مسجله في جواز السفر وشهاده التخرج بتاعتك . اوعي اوعي اوعي يكون اي حرف من اسمك في الاوراق اللي تقدمها متغير ولو حرف واحد, طيب افرض انت مش معاك رخصه تعمل ايه , في الفئه الرابعه ايضا ممكن تسجيل مزاوله المهنه ب25 نقطه , بس يكون مترجم , علي فكره فيه حاجات كتير في الفئات الاربعه , بس هم مش بيقبلوا من غير الاسترالين غير ده فقط وممكن انت تتاكد وترسل ليهم وتسالهم,

ما هي اهم الاخطاء في الحاجات اللي انا قلتها وحصلت لي ؟
علي فكره عند حصول خطا ,لازم تدفع تمن غلطك وهو 110 دولار استرالي , وده اللي حصل معاي

zola_797
07-29-2010, 01:22 AM
نكمل الموضوع ,
بعد كده اتروح الصفحه الاخيره وهي بتاعت الدفع , والدفع عن طريق اما ماستر كارد او فيزا فقط والرسوم 110 دولار استرالي ( الدولار النهارده ب3.65 جنيه مصري ) بعد ما يتم الدفع عن طريق النت , اتوصلك رساله في ايميلك وهي applicationبالاضافه لورق فيه الحاجات اللي مطلوبه منك توثقها من السفاره , الورق ايه هو , يعني انت مثلا اخترت جواز السفر , والرخصه وكارد بنك لاثبات الشخصيه, الورق ده مطلوب منك توثقه من السفاره , ازاي , اصبر .
وتلاقي ايه تاني في الورق , اتلاقي ورقه عباره عن تصريح منك علشان المجلس الطبي الاسترالي يرسل شهادتك الي امريكا الي اتحاد كليات الطب العالميه علشان يتاكد من ان كليتك معترف بيها وعلي فكره الزقازيق وكل كليات طب مصر معترف بها , ومعني ان كليتك معترف بها , مش شرط علشان تمارس المهنه في استراليا , لا هم عاوزين يتاكدوا من كليتك دراستها محترمه شويه,
كده خلصنا مرحله التسجيل عن طريق النت , وده ثلث الطريق ,
فيه حد عنده سؤال للمرحله ديه

zola_797
07-29-2010, 01:24 AM
نكمل الجزء التاني, وده مهم جدا جدا وعاوز كل واحد يركز فيه, بسم الله نبدا .
بعد ما تسجل في الموقع , اتجي رساله ليك في ايميلك , عباره عن ملف pdf يتكون من 4 ورقات , الورقه الاولي عباره عن رقمك في المجلس الطبي الاسترالي وبياناتك اللي انت سجلتها والاوراق المطلوبه منك توثقيها في السفاره وعنوانهم اللي اترسل الورق عليه سواء ارسلته ببريد عادي, وعنوان اخر لو ارسلته ببريد خاص زي ارامكس,
الورقه التانيه فيها تكتب فيها اسمك وبيانات لك, الورق التالته وهي المهم عباره عن توكيل او تصريح منك ليهم علشان يرسلوا شهادتك لامريكا علشان يتاكدوا من كليتك معترف بيها ولا ( اشرح كل حاجه بالتفصيل) الورقه الرابعه للضرايب وديه تحتفظ بيها عندك او ترسلها مش مهم . وفوق ده كله مطلوب منك ترسل 4 صوره موثقين , انا ارسلت 6 احتياطي. خلي بالك كل ورقه ترسلها او صوره لازم تكون موثقه.
الورقه الاولي :
فيها اسمك اللي انت سجلته وكليتك وسنه تخرجك ورقمك في المجلس الطبي (تحفظه) وفيه الحاجات المطلوبه منك ترسله وتكون موثقه وهي شهادة التخرج (وهي لازم تكون باللغه العربيه ومرفق ترجمه ليها من مكتب ترجمه معتمد ليهم, مش تذاكي وتخلي كليتك طلع شهادتك بالانجليزي ,هم عاوزين الشهاده الي كليتك بطلعها سواء بالعربي او الهندي ولو فيه ترجمه مش يكون من كليتك , يكون من مكتب ترجمه محايد ), والحاجات اللي انت اخترتها علشان اثبات الشخصيه وهي جواز السفر ( بالنسبه لجواز السفر تصور كل صفحتين مع في ورق واحده ( مش وش وظهر )وهم كالاتي الصفحات 2 و3 مع بعضهم في ورقه واحده والصفحات 4 و5 مع بعضهم في ورقه واحده والصفحات 6 و7 مع بعضهم في ورقه واحده , طيب حد يسال ليه ده كله , الصفحات 2 و3 فيها بيانات الجوزار وتاريخ صدوره وانتهاءه , 4 و5 فيه اسمك بالانجليزي والعربي وتاريخ ميلاده وعنوانك وصورتك , الصفحه 7 ليه لان فيها حاجه اسمها توقيع حامل الجواز وديه سيادت لازم توقع في الجواز في الحته ديه ليه لانك في الورقه الثالثه فيها خانه لتوقيعك ولازم يكونوا زي بعض. ده بالنسبه للجواز ) اثبات الشخصيه التاني فيه ناس اختارت الايلتس وده ب 40نقطه تاخذ صوره من النتيجه وتوثقها وفيه ناس اختارت زي الرخصه الدوليه (25نقطه) وبطاقه البنك (25 نقطه) , بالنسبه للرخصه الدوليه تصور الصفحه اللي فيها بياناتك وصورتك بالانجليزي والصفحه اللي فيها اسم الرخصه ونادي السيارات وديه بالفرنساوي والانجليزي, وبالنسبه ل بطاقه البنك تروح تصور وش البطاقه اللي فيها اسمك بالانجليزي وظهر البطاقه علي نورقه واحده مع بعض , يعني الوش فوق والظهر تحتها,
ومطلوب منط تاني 4 صور حديثه مش يكون مر عليها اكتر من سنه وموثقه من السفاره , لما تروح تصور خليهم في ستوديو التصوير يضعه تاريخ علي الصوره , انا ارسلت 6 صور.
ده الورقه الاولي , اما الورقه التانيه فيها بيانات تسجلها وهي اسمك الاول والاوسط واسم العائله وتاريخ ميلادك , كلام كله سهل وواضح ,
الورث التاله و هي بتاعت التوكيل , وفيها توقيعك , نظامها ازاي , اتاخذها معك السفاره ومش تكتب فيها اي حاجه , اتعطيها ليهم وهم ايكملوا بياناتها ويخلوك توقع امامهم ولازم لازم يكون توقيعك زي الجواز , الورقه الرابعه مكتوب عليها للاغراض الضريبيه , صراحتها ابا بعتها تاني ليهم,
ده الحاجات المطلوبه منك اتروح بيها للسفاره في مركز التجاره العالمي الدور 12 يوميا من الساعه 9 الي الساعه 10.30 صباحا فقط وتوثق , كل التوثيق مجانا , بس خذ بالك لو ورقك 10 ورقات او زاد مش اتاخذ الورق في نفس اليوم , اتدفع حوالي 40 جنيه لشركه TNTوهي اترسله ليك بعد يوم , يومين , اسبوع انت وحظك , وفرع الشركه ده اتلاقيه موجود في السفاره,
بعد ك
ه سيادت عاوز ترسل الورق استراليا , عندك شركات شحن زي fedex < dhl > aramex كلهم باسعار حوالي 300 جنيه تقريبا ويوصلوا في 3 ايام , المبلغ كبير , تعمل ايه , اعمل زي , بعد ما تخلص السفاره روح البريد المصري الفرع الرئيسي اللي في العتبه ,تدخل القاعه وترسله , فيه نوعين من البريد سريع وده ب140 جنيه وايوصلك بعد 3 ايام , وفيه بريد مسجل , روح البريد المسجل , وده ايوصل بعد 8 الي 10 ايام ومضمون , بكم , 25 جنيه بس , يا بلاش , ربنا يخلينا الدعم.
ده الجزء التاني , انا حاولت اعرضه بطريقه بسيطه بعكس اللي حصل معي ومش لاقيت حد يشرحه لي

zola_797
07-29-2010, 01:25 AM
لما انت تروح السفاره الاستراليه وعاوز توثق ورق , مثلا ورقتين او تلاته , اتوثقهم وانت واقف , طيب لو عشر ورقات او اكتر , في السفاره ايقولوا لك اترك الورق واحنا انوثقه وانبعته لك عن طريق شركه TNT وديه موجود ليه فرع في قاعه الاستقبال اللي في السفاره وتدفع رسوم الشحن ده حوالي 40 جنيه ويرسلوه لحد بيتك بعد يوم يومين تلاته انت وحظك( انا قابلت هناك مهندس في السفاره قال لي ان ورقه وصل بعد 2 اسبوع , والله هو اللي قالي).
بعد كده لما توثق ورقك انت مفروض ترسله استراليا , وده اما عن طريق شركات شحن خاصه زي fedex dhl aramex وديه اسعاره تتراوح بين 250 جنيه و 350جنيه وده بيوصل في 3 ايام وممكن تعرف المجلس الطبي استلمه ولا لا , وفيه البريد السريع المصري وده ب150 جنيه ويوصل في 3 ايام ايضا بس عيبه انك مش تقدر تعرف المجلس الطبي استلمه ولا لا , غير لما المجلس الطبي يرسل ليك رساله يقولك انه استلم ,
وفيه البريد المسجل تبع الربيد المصري وده ايصل في 8 الي 10ايام ومضمون ميه ميه وب 25 جنيه

zola_797
07-29-2010, 01:29 AM
نكمل الجزء الثالث. بعد سيادتك لما ترسل الورق لتجي رساله لك في ايميلك بعد حوالي اسبوع , اتقول لك سواء ورقك كمل او لسه ناقص, لو ورق ناقص ايقول لك الورق المطلوب والرسوم نظير خطئك وترسله لهم , اما لو ورقك كامل ايقولوا لك , ويقولوا كمان ان ورقك ارسلوه امريكا , بعد كده سيادتك اتنتظر حوالي شهر او شهرين لحد ما يردوا عليك , ان ورقك تم اعتماده وانت اصبحت ميه ميه. بعد كده اتختار ميعاد الامتحان اللي ايناسبك سواء عاوز تمتحن في استراليا او خارج استراليا , بالنسبه لداخل استراليا الامتحان بيتم في 9 مدن كبيره هناك , اما خارج استراليا فيه مدن رئيسيه ثابته وهي لندن ,هونج كونج , استطنبول , واشنطن .نيودلهي . وفيه مدن بتتغير حسب الطلب من تلك الدول . يعني مثلا كان في سنه 2008 الامتحاب بيعقد في 4 مدن في منطقه الشرق الاوسط , وهي القاهره , الرياض , دبي , عمان. سنه 2009 وجدوا ان الطلب من تلك المنطقه قل كتير , فعملوها في مدينه واحد فقط وهي , تل ابيب. والله في اسرائيل. بعد ما سادتك تسجل وتختار ميعاد الامتحان والمكان ايجي لك جواب في ايميلك , تاخدوه وتروح السفاره وتاخذ التاشيره , نوع التاشير , تجاريه (مده قصيره)business visa(short stay) بعد كده تبدا تدور علي خطوط الطيران . بالنسبه لو انت نجحت في الجزء الاول , ابتشتغل بيه هناك. وهناك عندهم حجز كبير ليه , لان دراسه الطب هناك مكلف جدا , والحاجه التانيه عندهم الصحه فب اولويات اي حكومه , علشان كده فيه مستشفيات كتيره هناك جدا , علي فكره مساحتهم اكتر من مصر 6 مرات وعدد سكانهم حوالي 33 مليون. كده اكون قدمت ليكم كل شئ عن المعادله وبتجربه شخصيا لي , يعني مش سمعت من اي حد ونقلت الكلام , لو اي دكتور من مصر او خارج مصر ليه اي سؤال انا موجود في اي وقت قبل سفري ,علي فكره انا حجزت علي امتحان شهر مايو في سيدني, وان شاء الله لما اوصل هناك احكي ليكم كل حاجه هناك بالتفصيل وكل صغيره ان شاء الله .
اه صح بالنسبه للكتب , فيه كتاب عباره عن 600 mcq من بنك الاسئله بتاعهم ,ده حلو جدا لانه فيه الاسئله والاجوبه والاسباب,وفيه كتاب تاني عباره عن المنهج بتاعهم . بالنسبه للكتاب الاول تمنه حوالي 700جنيه مصري , لما حوالت اشترتي من دار النشر بتاعته في لندن , وبعتت ليهم اكتر من فاكس وايميل , محدش رد علي ,حاولت اشتريه من دار كتب في استراليا , لقيته ايكلفني حوالي 900 جنيه علشان الشحن . عملت ايه , دورت لحد ما لاقيته في المكتبات الموجوده في كليه الطب في القصر العيني و50 جنيه فقط , يا بلاش , الكتاب التاني لاقيته موجود بس ب250 جنيه , مع تمنه حوالي 1500جنيه لانه حوالي 3 كتب ومعاه اسطوانات , نصيحه كفايه عليك الكتابيين بس , لان كتر الكتب ايضيع تركيزك ووقتك, ده كل حاجه ,
وان شاء الله زي ما قلت ليكم لما اوصل هناك , احكي ليكم كل شء من هناك,

zola_797
07-29-2010, 01:31 AM
انا ان شاء الله في المنتدي ده احكي ليكم مرحله تجهيز التاشيره والحصول عليها وال سفر لاستراليا , بعد كده لما توصل استراليا اتعمل ايه واتعيش ازاي , عن تجربه واقعيه

zola_797
07-30-2010, 09:27 PM
السلام عليكم ورحمه الله وبركاته

النهارده احكي لكم الجزء الثاني من المعادله الاستراليه وهو بخصوص حجز مكان الامتحان والتاشيره والطيران
بتدخل علي موقع المجلس الطبي الاسترالي عن طريق كلمه السر بتاعاتك و تختار المكان اللي يناسبك سواتء في استراليا او خارجها ,انا اخترت ملبورن

بعد كده تدفع رسوم الامتحان وهي 1850 دولار استرالي , بعد كده ايجي لك رساله تاكيد في ايميلك بالدفع والحجز وايضا علي عنوانك البريدي

بعد كده ندخل علي مرحله التاشيره , انا خليت واحد قريبي يضع في حسابي 10 دولار استرالي لمده 3 ايام فقط , خلالها خدت جواب من البنك ان لي رصيد عندهم ب 10 الاف دولار , وديه سهله واي حد ممكن يعملها ليك ولو بمقابل

بعد كده خدت الورقه بتاعت البنك والورقه بتاعت تاكيد ميعاد الامتحان وجواز السفر وطلعت بيهم علي السفاره في مركز التجاره العالمي الدور 11,واخذت دوري ودخلت علي الموظف وقلت ليه اني حاجز امتحان واعطيته الاوراق اللي معاي ,

قالي لي ان نوع التاشيره بالنسبه للظروف ديه اسمهاbussineess short stay > ,]ودي وحشه جدا , ليه , لان فيه شرط ممنوع تمديد التاشيره اونت داخل استراليا , اشرحها في المرحله التالته

بعد كده انتظرت شهر والتاشيره طلعت , الحمدلله

بدا ابحث عن شركات الطيران ارخصها وافضله لقيت 3 شركات بتسير خطوط من القاهره الي استراليا وهم طيران الامارات وطيران الخليج وطيران سنغافوره وديه ارخصهم بحوالي 400 جنيه ولكن افضلهم هي طيران الامارات , حجزت الطيران قبل ميعاد الامتحان ب10 ايام , وكنت في نفس الوقت ابحث عن سكن هناك عي طريق مواقع متخصصه بذلك , المهم لاقيت مكان مع وشاب استرالي متجوز بس منفصل عن مراته وحكيت ليه ظروفي ووضعي , ورحب بي وطلبت منه طلبين

الاول ممنوع خمور ونساء في الشقه

والتاني عرفته اني مسلم وبصلي , ولينا صلاه غير صلاته ,
احرجني وقالي ديه حريه شخصيه وليس لي دخل بيها


كده انا مجهز السكن والطيران والتاشيره ومكان الامتحان ومبلغ حوالي 2000 دولار استرالي , كل ده قبل ميعاد السفر بحوالي 3 اسابيع وبدات استعد نفسيا للسفر



وجيه يوم السفر

dr.new
08-02-2010, 03:23 PM
كمل يا دكتور انا متابع معاك

zola_797
08-03-2010, 01:27 AM
يا جماعه انا عاوز اكمل بس مفيش تشجيع , نسبه المشاهده زادت عن 200 ومفيش اي اسئله

abufares2000
08-03-2010, 02:52 AM
شكرا بس الاطالة ملهاش لزوم خوصوصا انك دخلتنا فى متهات من كتر الفلوس اللى هتدفع والمشاوير فى الحر ده .... يبقى نقعد فى مصر احسن وربنا يخلي لنا الريس ويبارك فى عمره

feinerli
08-03-2010, 11:48 PM
يا دكتور احنا كللنا بنشجعك ,بس المشكله احنا قرينا الكلام دا كلله فى موضوعك الاولانى والاسئله جاوبت عليها , احنا مستنيين الجديد فى الموضوع دا , وعلى فكره انا سئلت عليك كذا مرره فى ايجى ميدسن , يدل على اننا مهتمين...كمل بس ومش هتلاحق على الاسئله!!!

zola_797
08-04-2010, 12:48 AM
يا دكتور احنا كللنا بنشجعك ,بس المشكله احنا قرينا الكلام دا كلله فى موضوعك الاولانى والاسئله جاوبت عليها , احنا مستنيين الجديد فى الموضوع دا , وعلى فكره انا سئلت عليك كذا مرره فى ايجى ميدسن , يدل على اننا مهتمين...كمل بس ومش هتلاحق على الاسئله!!!

شكرا يا دكتور علي اهتمامك وتشجعيك , علي فكره المنتدي القديم نشرت فيه وقاموا بحذفه , ديه اخرتها

zola_797
08-04-2010, 01:32 AM
النهارده اكمل اللي حصل...............


وجه يوم السفر وده كان يوم الخميس , وميعاد الطياره الساعه 9.30 مساءا , طبعا يوم الاربعاء معرفتش انام من الخوف والرهبه , خايف من المستقبل , خايف اكون نسيت حاجه , خايف اسقط في الامتحان , بالليل قلت لنفسي انا رايح علي فين وايه اللي بعمله ده , تسرب الي احساس بالاحباط ,المهم قمت صليت ودعيت ربنا يوفقني وصليت الفجر ونمت بالضبط 4 ساعات .

صحيت يوم الخميس حوالي الساعه 9 صباحا , فطرت مع اهلي والوقت بيمر بسرعه ,جت الساعه 2 ظهرا ,اتحركت انا واخي تجاه المطار , وصلت حوالي الساعه 4. 30 , دخلت علي الوزن بعدين ختمت الجواز بختم المغادره ,كانت حوالي الساعه 7 ,دخلت قاعه الانتظار , وانا في حاله مش عارف اوصفها ,

المهم نادت المذيعه الداخليه علي الطياره , ركبت الطياره وصلت مطار دبي حوالي الساعه1 ليلا بتوقيت مصر يعني 3 بتوقيت دبي ,

مطار دبي مطار وهم , روعه , بجد ناس بتحب بلدها ,

المهم ميعاد الطياره المتجه الي ملبورن 9,30 صباحا , اتصلت بديفيد , وده صاحب الشقه اللي اقعد معاه , وصراحه جدع جدا وعرض علي ينتظرني في مطار تولامارين (ملبورن) بدون مقايل ,

المهم حاولت انام , مفيش نوم , يمكن من روعه المكان بتاع مطار دبي او ان الرهبه بدات تروح من عندي وحاسس بسعاده ان حلمي بدا يتحقق , جت الساعه 9.30 صباحا , وركبت الطياره وكان مكاني بجانب شاب مصري استرالي لبناني ( ابوه مصري وامه لبنانيه ) ,تعرفنا علي بعض وده لازم لسبب بسيط , ان الرحله حوالي 16 ساعه, يعي يوم الا 8 ساعات , واعطني عنوانه هناك علشان لو احتجت شي , علي فكره اسمه علي ( تذكروا الاسم ده )

المهم وصلنا ملبورن حوالي 8 صباحا , دخلت المطار , صراحه ناس محترمه جدا جدا جدا لابعد الحدود, اخذت شنطي ومريت علي الجوازات والجمارك , كل ده في حوالي 30 دقيقه , قبل ما تخرج من الطياره , الشنط بتكون جاهزه علي السير ,
وختمت الجواز بختم الدخول,المهم لاقيت ديفيد منتظرني ومعاه يافطه صغيره فيها اسمي , رحت باتجاهه و سلمت عليه , واخذني بسيارته الي شقته في منطقه اسمها Kensingtonug علي فكره سهل جدا تبحث عن مكان للسكن وانت في مصر قبل ما تسافر بالاسعار والمواصفات الي تناسبك عن طريق الموقع ده http://au.easyroommate.com/ وللكلام بقيه مادام في العمر بقيه

dr.new
08-04-2010, 03:28 AM
يا دكتور احمد كلنا معاك والله من ايام المنتدى القديم بس حضرتك الى اختفيت احنا كلنا لهفة نعرف التجربه الى انت مريت بيها لان دة هيفيدنا كلنا باذن الله انت بس احكيلنا ايه الى حصل وروحت عملت ايه والامتحان كان اخباره ايه وصدقنى هنزهقك اساله انا نفسى عندى اساله كتير لانى بذاكر للمعادله وناوى باذن الله امتحن فى شهر 2 الجاى بس كمل الله يكرمك وبلاش ترتبط بموضوع المشاركات دة

feinerli
08-04-2010, 11:38 AM
معلش يا دكتور على الحصل, انا مش فاهم بردو ليه هما مسحو الموضوع مع موضوعك كان اول موضوع عن المعادله الاستراليه فى المنتدى وانبثق منه الموضوع التانى اللى توقف حاليا.
انا عاجبنى جدا اسلوبك القصصى ومستمتع جدا , وشكرا جزيلا على اللينك بتاع السكن, الى الامام يا دكتور

dr/ahmed
08-05-2010, 01:39 AM
تسجيل شكرا من اداره منتدي doctorscafe.net

الي الدكتور zola_797 لاختياره المنتدي لتكمله مشوار المعادله الاستراليه , كما نرجو من باقي الاعضاء المساهمه بارائهم ومواضيعم القويه في اثراء المنتدي

khaled
08-05-2010, 03:07 PM
شكرا لمجهودك يا دكتور وكمل , احنا متابعين والله وعندي اسئله كتيره جدا

zola_797
08-07-2010, 03:16 AM
نكمل .........

المهم وصلت الشقه يوم السبت مع ديفيد , بعد ما اتغديت نمت وصحيت تاني يوم ,نمت حوالي 15 ساعه ,

المهم في ليوم ده اخذني ديفيد الصبح و عرفني المنطقه والشوارع المحيطه ورجعت الشقه واتغديت ونمت , اصحيت بالليل , كنت لوحدي في الشقه مش اعرف اعمل ايه لان ديفيد كان عنده ميعاد ,

المهم الشيطان لعب في راسي وقالي اخرج استكشف المنطقه لوحدي , المهم خرجت وكنت كاتب عنوان الشقه في ورقه معايا خوفا من ان مش اعرف اتوه , واخدت معايا جواز السفر بتاعي يمكن الاقي كمين والظابط يرخم علي او ياخذني تحري ,

المهم خرجت بالليل واستكشفت المنطقه بس كنت حاسس اني ببعد , المهم الشيطان لعب في راسي وقالي روح اشوف المكان اللي اتمتحن فيه http://www.cliftons.com/ ,
المهم شاورت لتاكسي واعطيته العنوان بتاع المكان , كانت حوالي الساعه 10 يالليل , المهم وصلت

من روعه المكان الواحد كان فاتح فمه لمده 5 ق ولفيت حواليه,وانا منبهر

واذا بتلفوني بيرن , مين اللي معاه رقمي وانا في استراليا , اندهشت

المهم لاقيت ديفيد بيتصل علي وبيقول انه وصل الشقه ومش لاقيني فقلق علي

حكيت ليه ان فين دلوقتي , لاقيته بيضحك كثير , وقالي انتظر مكاني وهو اااياتي ياخذني

المهم جه علي حوالي الساعه 12 باليل ومعاه واحده بس ايه , صاررررررررررروخ

عرفني عليه انها صديقته الجديده و هو لما راح الشقه معاها مش لاقني , جابها معاه علشان نتعرف علي , واتعرفت

بجد صاررررررررروخ
المهم اتعشينا احنا التلاته ووصلها البيت ورجعت انا وهو, وانا في الطريق سالته كل الاستراليين جدعان زيك كده , ضحك وقالي انا عملت معاك كده لسبب انه اليوم اجازه عندي

ده كان اول يوم لي هناك

feinerli
08-07-2010, 06:54 PM
تسجيل متابعه, بس ياريت تزود ال dose شويه يا دكتور!
متهيالى مافيش حاجه فى المشاركه الاخيره تستدعى السوال!

alisamer
08-08-2010, 07:24 PM
شكرا يادكتور , وجزاك الله خير

magdeaaa
08-08-2010, 07:52 PM
مساء الخير للجميع وبالاخص للدكتور احمد زولا:rolleyes:

حابب قبل ما يتابع كلاموا اضع بعض التجديدات يعني اشوية update

بخصوص الشهادة الكرتون حاليا مش مطلوبة للإمتحان واي واحد بقدر يدخل الامتحان من غيرها وبتكون النتيجة الامتحان مش محجوبة زي زمان وهادا الكلام من الموقع الرسمي للإمتحان

ثانياً : بخصوص الـ التاشيره bussineess short stay في دكتورة موجودة في استراليا قالتي صار في تغير وصار بالامكان تمديد الفيزا او تغيرها من داخل الاستراليا دون الحاجة للخروج من البلد . ( انا مش متأكد 100% من موضوع الفيزا :cool:)

وحاليا بترك المايك للدكتور احمد عشان يكمل
الكرة بملعبك يا دكتور :D:D:rolleyes:

feinerli
08-09-2010, 11:37 AM
شكرا يا دكتور مجدى ومرحبا بعودتك

dr.new
08-09-2010, 04:55 PM
هو بصراحة السؤال الوحيد الى طرق على بالى فى المشاركة الاخيرة للدكتور احمد هى البنت مشيت لما اتعشيتو ؟

mohamedelnady
08-10-2010, 01:02 AM
بجد يا ابو حميد انت ما حصلتش
انا ما بحبش القرايه خالص

بس مواضيعك جامده وحاسس انى بتفرج على همام فى امستردام
متشوق اعرف انت عملت ايه
عشان ناوى امشى فى الطريق دا
انا تكليف برده وخريج الزقازيق
وحاليا باجهز الورق بتاع التسجيل
ربنا يوفقك ويعينك ويعينا

mohamedelnady
08-10-2010, 01:08 AM
بس يا ريت تحكى كل حاجه حصلت لحد دلوقتى
او ممكن تحكى من دلوقتى وانت راجع لورا

zola_797
08-10-2010, 02:42 AM
اولا برحب بدكتور مجدي , ليك وحشه كبيره , علي فكره يا جماعه اكبر واحد كان بيشاهد ويشارك في موضوع المعادله ,الدكتور مجدي , وبالنسبه لحكايه التاشيره مش تستعجل

وبشكر كل دكتور متابع وارد علي كل واحد ,

وبالنسبه للدكتور اللي بيسال علي البنت , مشيت طبعا

وللدكتور اللي بيقول همام في امستردام , مش عارف , حاسس انها تريقه , ربنا يسامحك


نكمل,,,,,,,,,,,,,,,,,,,,,


المهم صحيت تاني يوم , وكان يوم الاثنين , كان ديفيد راح الشغل , فتحت الكتب وبدات عمليه مراجعه علي اللي ذاكرته ,
وده كان يوميا لان الامتحان ميعاده يوم السبت ,

المهم , علي يوم الاربعاء اتصلت بالشركه اللي امتحن فيها, علشان اتاكد من ميعاد الامتحان والتوقيت وقالوا لي الساعه 10 صباحا ولازم اكون موجود قبل الامتحان بساعه,

وجه يوم السبت , يوم الامتحان يكرم المرء او يهان , ووصلت السنتر اللي امتحن فيه , وتاكدوا من الهويه بتاعتي, وبياناتي, وجلست امام الكمبيوتر الساعه 9.50 ق صباحا قبل الامتحان ب10 ق, ودخل مشرف وقال علي شويه تعليمات, وزي ما معظمك عارف الامتحان علي فترتين كل فتره 3 ساعات ونص ب 150 سؤال

كل سؤال ليه جواب واحد صح

في المجمل , 240 سؤال عادي ( SCORED ) و60 سؤال ( Non-scored questions)


توزيع الا سئله كالاتي

Medicine 78 questions
Obstetrics and Gynaecology 35 questions
Paediatrics 43 question
Psychiatry 24 questions
Surgery 60 questions
TOTAL SCORED 240 questions


فايده ال 60 سؤال ايه كالاتي (زي ما مكتوب في الورق اللي وزعه قبل الامتحان )


The 60 non-scored questions are used to test and calibrate new
questions, which may be used in future examinations, but will not be
counted towards the overall score of the candidate.


لاحظ ايضا ان داخل ال 240 سؤال فيه 80 سؤال بيسموهم ( ‘mastery’ questions
)
اهميتهم وفايدتهم الاتي ( The ‘mastery’ questions
are defined as key or critical issue questions which are regarded as
critical to the safety or clinical outcome or threat to life for the patient,
or are based upon important common conditions and one of:
A. Related to life threatening illness; or
B. Critical to safe practice (includes professionalism); or
C. Successful clinical outcome; or
D. Important aspects of public health. )

ده كان اهم حاجه تهمك في معرفه الامتحان ,

المهم بدا الامتحان كان جنبي واحد هندي, مش عارف قرفان مني ليه وخلصت الفتره الاولي

وفي الراحه سالته انت كل شويه بتظر لي وقرفان مني لي , قالي انت مصري

قلت :اه
قالي : انا سبت الخليج علشانكم , انتم جايين ورانا استراليا ليه

مش لقيت حاجه اقولها سبته ومشيت, المهم ودخلنا علي الفتره التانيه

وخلصت وجمعوا منا الورق اللي بيوزعوه في الاول ( علشان تكتب فيها اي حاجه او تفتكر اي شي او تشخبط)

المهم خلصت الامتحان اللي بقالي سنه وكم شهر بستعد ليه


ان شاء الله المره الجايه اجيب ليكم بعض الاسئله اللي متذكرها وكتبتها لما رحت الشقه
وكمان احكي ليكم ايه اللي حصل بعد كده


يتبع..........................

magdeaaa
08-10-2010, 10:22 AM
ان شاء الله المره الجايه اجيب ليكم بعض الاسئله اللي متذكرها وكتبتها لما رحت الشقه
وكمان احكي ليكم ايه اللي حصل بعد كده


يتبع..........................


دكتور احمد اعمل اكونت تانبي بأميل تاني وعن طريقوا قم بوضع الاسئلة خوف من الملاحقة القانوية يعني اهم شي يكون الاميل مختلف عن اميلك يلي مسجل بالــ amc
واحنا معاك كمل كلامك يا دكتور

mmfriend
08-10-2010, 04:16 PM
تسجيل متابعه يا دكتور

انت مقلتش التذكره لاستراليا بكام؟؟

ايجار الشقه مع ديفيد كان كام؟؟

مصاريف الاقامه والاكل كام؟؟

ahmed_2437
08-11-2010, 05:20 PM
سلام عليكم يا دكتور أحمد, ربنا يكرمك و تنجح في الأمتحان و يجازيك عنا كل خير لأنك مستحضر نية مساعدة اخوانك
كنت عيز أسئلك علي موضوع التخصص هناك , لأني سمعت أنه صعب
يعني هل لو معايا ماجيستير في التخصص بتاعي و دخلت بارت 1 و نجحت,بقعد أد أيه أشتغل gp و أزاي أقدر أشتغل في التخصص بتاعي بعد كده(هل ليها أمتحان معين مثلا بعد بارت 2). لأني مش عايز أبقا بعد ما تخصصت في حاجة أقوم داخل علي تخصص تاني خالص من أول و جديد
تاني حاجة, هبالنسبة للأشعة و التخدير , هل عليها طلب؟؟؟

و شكرااااااااا

zola_797
08-12-2010, 02:22 AM
تسجيل متابعه يا دكتور

انت مقلتش التذكره لاستراليا بكام؟؟

ايجار الشقه مع ديفيد كان كام؟؟

مصاريف الاقامه والاكل كام؟؟


بص يا دكتور ممفريند

التذكره بحوالي 9500 جنيه مصري ذهاب وعوده

اما ايجار الشقه بيتراوح من 130 دولار استرالي فيما فوق , كله حسب نوعيه السكن والمكان , انا كنت واخذ ب 150 دولار في الاسبوع

والاقامه والاكل ده بيختلف من شخص لاخر , بس بالنسبه لي كام حوالي 500 دولار في الشهر

علي فكره الاكل رخيص او بمعني اخر عادي

zola_797
08-12-2010, 02:25 AM
دكتور احمد اعمل اكونت تانبي بأميل تاني وعن طريقوا قم بوضع الاسئلة خوف من الملاحقة القانوية يعني اهم شي يكون الاميل مختلف عن اميلك يلي مسجل بالــ amc
واحنا معاك كمل كلامك يا دكتور




شكرا يا دكتور مجدي علي الملاحظه ديه ,

وانا لما قررت من زمان احكي عن تجربتي مع استراليا , عملت حسابي علي النقطه ديه , وانا لي ايميل تاني نهائي وتسجيل اخر في amc

zola_797
08-12-2010, 02:29 AM
سلام عليكم يا دكتور أحمد, ربنا يكرمك و تنجح في الأمتحان و يجازيك عنا كل خير لأنك مستحضر نية مساعدة اخوانك
كنت عيز أسئلك علي موضوع التخصص هناك , لأني سمعت أنه صعب
يعني هل لو معايا ماجيستير في التخصص بتاعي و دخلت بارت 1 و نجحت,بقعد أد أيه أشتغل gp و أزاي أقدر أشتغل في التخصص بتاعي بعد كده(هل ليها أمتحان معين مثلا بعد بارت 2). لأني مش عايز أبقا بعد ما تخصصت في حاجة أقوم داخل علي تخصص تاني خالص من أول و جديد
تاني حاجة, هبالنسبة للأشعة و التخدير , هل عليها طلب؟؟؟

و شكرااااااااا







ازيك يا دكتور احمد

اللي انا بحكيه ده طريق الحصول علي ترخيص بالنسبه لو انت عاوز تشتغل ممارس عام

اما لو انت عاوز تتدخل امتحان تخصص معين , ده طريق اخر يتم تقييمك عن طريق الكليه الملكيه للتخصص بتاعك


النقطه الاخري والمهمه هم مش معترفين بالشهاده المصريه يعني لو معاك ماجستير مصري , غير معترف بيه نهائي هناك

ahmed_2437
08-12-2010, 02:54 AM
أه منا عارف أنها مش معترف بيها بره مصر
يعني أنتا يا دكتور هتكمل في أستراليا ممارس عام ولا ناوي تتخصص مستقبلا؟
طيب بالنسبة لأمتحان الكلية الملكية أيه سكتها... تقدر تفيدني بأي معلومات , يعني هل لازم أعدي برده علي أمتحان الamc بالجزءين بتوعه؟

drziko
08-12-2010, 07:51 PM
شكرا يا دكتور على الموضوع
و كنت عايز اسالك , هل بعد ما همتحن الجزء الاول هل هلاقي شغل على طول و لا لازم الجزء التاني كمان ؟؟

hayannaser
08-12-2010, 08:35 PM
السلام عليكم وكل عام وانتم بخير
انا عديت البارت ون في مايو 2010 ومشكلتي هي ielts
انا حاولت oet
بس والله صعب وما عديت
بس اللي عندو فكرة عن الشغل والاختصاص عموما في استراليا يا ريت يفيدنا
تسجيل شكر لاحمد لطريقته السلسة بتوصيل الفكرة والمعلومة

mohamedelnady
08-14-2010, 03:53 PM
دكتور احمد
اوعى تزعل منى
والله ما اقصد اتترياأ خالص دى مجرد كلمه وجت على بالى
ربنا يعينك وبوفقك ونسمع عنك كل خير ان شاء الله

drmahmoudzidane
08-14-2010, 07:31 PM
شكرا دكتور احمد علي المعلومات القوية دي بس انا عندي تساؤل:لو انا حاصل علي ماجستير وعاوز اشتغل هناك بنفس تخصصي هل في وسيلة لتحقيق ده؟

ahmed_2437
08-15-2010, 01:46 AM
شكرا دكتور احمد علي المعلومات القوية دي بس انا عندي تساؤل:لو انا حاصل علي ماجستير وعاوز اشتغل هناك بنفس تخصصي هل في وسيلة لتحقيق ده؟

مهو دا كان نفس سؤالي يا دكتور......حكاية التخصص ليها سكة تانية عن طريق الكلية الملكية هناك لأنهم مش معترفين بأي شهادة مصرية

zola_797
08-16-2010, 01:45 AM
شكرا دكتور احمد علي المعلومات القوية دي بس انا عندي تساؤل:لو انا حاصل علي ماجستير وعاوز اشتغل هناك بنفس تخصصي هل في وسيلة لتحقيق ده؟



بص يا دكتور محمود طريق التخصص غير الممارس العام


والرابط ده فيه رسم توضيحي لكل طريق ومبسط جدا


http://www.amc.org.au/index.php/img

zola_797
08-16-2010, 02:55 AM
المهم نكمل,,,,,,,,,,

بعد اما امتحنت , روحت الشقه وانتظرت لان النتيجه بتظهر بعديها ب3 اسابيع

انتظرت 3 اسابيع في بلد معرفشي فيها حاجه, كنت بصحي كل يوم اتفرج علي التلفزيون , وعلي حوالي الساعه 6 بالليل انزل اتمشي حوالي ساعه ونص
اتفرج علي الناس وعلي ملبورن , واكلم نفسي , يا تري ايكون لي نصيب في البلد ديه , وافتكر اسئله الامتحان , حليت صح ام خطا, وخايف ,
تصوروا قاعد 3 اسابيع ومنتظر , ومش عارف اعمل ايه, وعدت الايام , وجيه يوم النتيجه , لاقيت اهلي بيتصلوا بي وبيوقلو ليك جواب من المجلس الطبي الاسترالي, نزلت بسرعه من الشقه ابحث عن محل كمبيوتر ,ودخلت ولقيت رقمي موجود في الناجحين وترتيبي ال11 في القايمه من حوالي 78 واحد نجح,رجعت الشقه واتصلت باهلي وخليتهم يرسلوا لي الجواب في DHL وقبل مايرسلوا يعملوا سكنر للنتيجه علشان اشوفها علي النت,
وانتظرت حوالي 3 ايام منتظر البريد ,وحسيت ان حلمي اقترب , ومن فرحتي نسيت ان تاشيرتي مر عليها حوالي 34 يوم وباقي لي حوالي 20يوم,
المهم وصل الجواب , وبدات مرحله البحث عن الشغل ,كنت قبل ما اطلع من مصر , كنت محضر قايمه بالمستشفيات الموجود في ملبورن وعنوانيها وارقام تلفوناتها,
اول يوم رحت مستشفي بعيد شويه وقدمت cv بتاعتي , وقالوا انتصل بيك خلال فتره وكان معظم المستشفيات الرد بتاعها زي بعض ,ظلت علي كده حوالي 10 ايام,ويياست صراحه, المهم بعد فنره لقيت مستشفي بيتصل بي علشان مقابله, رحت وكان معايا اتنين هنود وواحد من التشيك,

دخلت الانترفيو, الدكتور كان محترم جدا, بص في النتيجه بتاعتي , وقالي انت سكورك عالي ثم قال good
من داخلي فرحت , قالي مش اسئلك معلومات طبيه لان سكورك عالي , فرحت

قال اسئلك شويه اسئله بسيطه , قالي احنا هنا في امستشفي معانا اطباء هنود وباكستانين وجنسيات اخري, اول مره اعمل انترفيو لواحد مصري,
ثم قال , ممكن تحكي لي عن نظام الطب في مصر, بتدرسوا ايه , كم سنه , التخصص ازاي, اشياء من دي,
المهم حكيت ليه , ولاحظت شئ انه بياخذ باله من من نطقي الكلام واللهجه, المهم خلصت ومشيت

بعد يومين بتصل بيهم اسئل عن النتيجه قالوا لي, ان اللي خذوه بتاع التشيك , مع ان سكوري اعلي منه,
قدر الله وما شاءفعل,المهم رحت عملت انترفيو بعديه باسبوع , نفس الوضع,

الايام كانت بتعدي بسرعه , وكان باقي علي انتهاء التاشيره حوالي 8 ايام , اتصلت بمكتب تبع الهجره الاستراليه ( التاشيرات يعني) علشان احاول امدد التاشيره , كان الرد no way
بعد كده بحوالي 3 ايام رحت عملت انترفيو في مستشفي تالت , وكانت المفاجاه ,اتقبلت والحمدلله, قالوا لي تعالي تاني يوم علشان تمضي العقد , من فرحتي معرفتشي انام ,كان باقي 5 ايام وارجع تاني ومش لاقي حاجه

رحت تاني يوم علي الميعاد , واعطوني ورق والعقد ومضيت عليه, وطلبوا مني الجواز, لاقيت المسئوله ( بنسميهم هنا شئون عاملين ......ههههههههه) وجهها تغير. خفت , قالت انت لسه باقي ليك يومين وتغادر البلد , وغير كده التاشيره بتاعتك نوعها bussine -short وغير مسموح لك بالعمل,

قالت احنا لما نلاقي ظروف زيك كده , بنعمله العقد ويغادر البلد , ونرسل ليه العقد موثوق في بلده ويروح بيه السفاره وياخذ التاشيره من هناك, قلت اوكي , نعمل كده , قالت للاسف ده بياخذ حوالي من 2 شهرين الي 4 شهور,ونحن نريد طبيب الان او علي اقل الظروف 3 اسابيع, المهم قالت سيب بيانات الاتصال بيك في بلدك , واحنا لو احتجناك انتصل بيك, هزيت راسي بحزن عميق

ومشيت,ورحت الشقه وبدات اجهز نقسي للعوده,وانا حزين جدا , وبدور علي اي حد يساعدني او يصبرني , اي حد ,حوالي 3500 دولار في الشهرين ,

فاكرين الشخص اللي قابلته في الطياره!

يتبع.........................

dr.new
08-16-2010, 04:42 AM
كل سنة وانت طيب يا دكتور احمد

انا بس لى سؤال واحد ليك ياريت تقولى بالظبط المصادر الى ذاكرت منها لو سمحت وياريت تقولى اخبار الصور الى جات فى الامتحان ايه وكمان رسم القلب واعتمدت على مصادر ايه بالنسبه للصور ياريت تقولى بالظبط ومش تنسى حاجة وجزاك الله كل خير

feinerli
08-16-2010, 05:56 AM
تسجيل متابعه
بس دى مش خساره يا دكتور انت جربت وعملت مقابلات كتير دى لواحدها خبره كبيره تستاهل كتير وان شاء الله السفريه الجايه على عقد محترم....
بس معنى كلامك ان الطريق لسه ممكنه, مش زى ما قال الاخوه ان حتى لو عديت الجزئيين واللغه ومعاك حتى اقامه الفرصه بقت شبه معدومه.....

magdeaaa
08-20-2010, 02:19 AM
فاكرين الشخص اللي قابلته في الطياره!

يتبع.........................





اه فاكرين الشاب كان اسموا على ;)
كمل كلنا عيون جاحظة :eek:واذان صاغية :D

zola_797
08-20-2010, 04:07 AM
المهم نكمل............
تذكرت الشاب ده , وكان اسمه علي , المهم اتصلت عليه , ورد علي , وظليت 10 ق اذكره بي,

في الاخرتذكر , وحكيت له اللي حصل معاي ولو يقدر يساعدني,
قالي اتصل بيك بعد نص ساعه, مرت النص ساعه ومرت الساعتين , واتصل بي بعد 3 ساعات , واعطاني عنوان وقالي , اقابلك فيه ,

وصلت المكان , لقيته مكتب بتاع تعليم , دخلت وسلمت عليه , وعرفني عليها وكان اسمها Lauraine , المهم حكيت الحكايه تاني,
قالت لي ان اخطات لما جيت بنوعيه التاشيره ديه,
قلت ليها , انا عرفت , دلوقتي عاوز حل
قالت , انت لازم تخرج بره البلد , وترجع تاني بتاشيره غير,قالتي لي احسن انواع التاشيره هي بتاعت الدراسه , قلت ليها الدراسه مكلقه خاصه في مجال الطب
قالت . ومين اللي جاب سيره الطب , انت اتيجي بتاشيره دراسه لغه انجليزيه اسمها English ******** Course (ELICOS)
قلت . تكاليفها كم
قالت , احاول اشوف ليك مكان ارخص,
قلت كم ,
قالت, يعني في الاسبوع ب200 دولار يعني السنه بحوالي 8000 الاف
قلت , كتير
قالت , مش تقلق المعهد اللي اجيبه بتدفع تلت المبلغ في الاول بس, علشان تاخذ جواب E-COعلشان ده اهم شي للتاشيره , يعني ادفع 2800 دولار,
قلت , good
قالت , ديه مناسبه ليك ومدتها 10 شهور وممكن تجددها وانت داخل استراليا ومسموح ليك بالعمل,
قلت وانتي اتخذي كم ,
قالت , ولا حاجه ,لان عمولتي باخذها من معهد اللغه
المهم سبت صوره من الجواز معاها

ورحت الشقه ونمت ورحت تاني يوم علي المطار ووصلت مصر

,دلوقتي انا محتاج فلوس حوالي , 5000دولار , اعمل ايه , اسبوع وانا بفكر, المهم قدمت علي السعوديه
, وسافرت السعوديه وخلالها كنت بكلم لورين وجهزت ورقي وورق المعهد, وقدمت علي التاشيره وانا في السعوديه , والحمدلله حصلت عليها , وكنت جمعت مبلغ خلال 10 شهور اللي قعدتها في السعوديه , ولسه نازل مصر من فتره قريبه , وان شاء الله ساسافر تاني استراليا علي شهر 11

المهم , اللي عاوز اقوله ,المعادله الاستراليه اتفتح ليك ابواب كبيره جدا في دول حلوه اوي زي الامارات وقطر والكويت, بس هي مكلفه شويه

ونصيحيتي لاي حد اوعي تمتحن في استراليا الامتحان

شوف اقرب بلد ليك وامتحن فيها , كنت مره قريت عليق احد الاطباء انه بعث ؤساله ليهم علشان يعملوا الامتحان بتاعهم في مصر, فكره حلوه اوي

ان شاء الله المره الجايه اكتب الاسئله
ولو حد عاوز اي سؤال , انا موجود تحت امركم

dr.new
08-20-2010, 01:15 PM
المهم نكمل............
تذكرت الشاب ده , وكان اسمه علي , المهم اتصلت عليه , ورد علي , وظليت 10 ق اذكره بي,

في الاخرتذكر , وحكيت له اللي حصل معاي ولو يقدر يساعدني,
قالي اتصل بيك بعد نص ساعه, مرت النص ساعه ومرت الساعتين , واتصل بي بعد 3 ساعات , واعطاني عنوان وقالي , اقابلك فيه ,

وصلت المكان , لقيته مكتب بتاع تعليم , دخلت وسلمت عليه , وعرفني عليها وكان اسمها lauraine , المهم حكيت الحكايه تاني,
قالت لي ان اخطات لما جيت بنوعيه التاشيره ديه,
قلت ليها , انا عرفت , دلوقتي عاوز حل
قالت , انت لازم تخرج بره البلد , وترجع تاني بتاشيره غير,قالتي لي احسن انواع التاشيره هي بتاعت الدراسه , قلت ليها الدراسه مكلقه خاصه في مجال الطب
قالت . ومين اللي جاب سيره الطب , انت اتيجي بتاشيره دراسه لغه انجليزيه اسمها english ******** course (elicos)
قلت . تكاليفها كم
قالت , احاول اشوف ليك مكان ارخص,
قلت كم ,
قالت, يعني في الاسبوع ب200 دولار يعني السنه بحوالي 8000 الاف
قلت , كتير
قالت , مش تقلق المعهد اللي اجيبه بتدفع تلت المبلغ في الاول بس, علشان تاخذ جواب e-coعلشان ده اهم شي للتاشيره , يعني ادفع 2800 دولار,
قلت , good
قالت , ديه مناسبه ليك ومدتها 10 شهور وممكن تجددها وانت داخل استراليا ومسموح ليك بالعمل,
قلت وانتي اتخذي كم ,
قالت , ولا حاجه ,لان عمولتي باخذها من معهد اللغه
المهم سبت صوره من الجواز معاها

ورحت الشقه ونمت ورحت تاني يوم علي المطار ووصلت مصر

,دلوقتي انا محتاج فلوس حوالي , 5000دولار , اعمل ايه , اسبوع وانا بفكر, المهم قدمت علي السعوديه
, وسافرت السعوديه وخلالها كنت بكلم لورين وجهزت ورقي وورق المعهد, وقدمت علي التاشيره وانا في السعوديه , والحمدلله حصلت عليها , وكنت جمعت مبلغ خلال 10 شهور اللي قعدتها في السعوديه , ولسه نازل مصر من فتره قريبه , وان شاء الله ساسافر تاني استراليا علي شهر 11

المهم , اللي عاوز اقوله ,المعادله الاستراليه اتفتح ليك ابواب كبيره جدا في دول حلوه اوي زي الامارات وقطر والكويت, بس هي مكلفه شويه

ونصيحيتي لاي حد اوعي تمتحن في استراليا الامتحان

شوف اقرب بلد ليك وامتحن فيها , كنت مره قريت عليق احد الاطباء انه بعث ؤساله ليهم علشان يعملوا الامتحان بتاعهم في مصر, فكره حلوه اوي

ان شاء الله المره الجايه اكتب الاسئله
ولو حد عاوز اي سؤال , انا موجود تحت امركم



يا دكتور احمد معنى الكلام الى حضرتك بتقوله دة انك ناجح فى المعادله بقالك 10 شهور ؟؟؟؟ وان كل الكلام الى انت حكيته دة من 10 شهور فاتت

dr.new
08-20-2010, 01:21 PM
كل سنة وانت طيب يا دكتور احمد

انا بس لى سؤال واحد ليك ياريت تقولى بالظبط المصادر الى ذاكرت منها لو سمحت وياريت تقولى اخبار الصور الى جات فى الامتحان ايه وكمان رسم القلب واعتمدت على مصادر ايه بالنسبه للصور ياريت تقولى بالظبط ومش تنسى حاجة وجزاك الله كل خير

ياريت يا باشا بعد اذنك تجاوبنى على الاساله دى

ahmed_2437
08-22-2010, 08:23 PM
مشكور يا دكتور......أحنا هنفضل برده متابعينك حتا و أنتا ف أستراليا عشان تحكييلنا عل نظام هناك و كل حاجة هناك بالتفصيل
keep in touch ^_^

mohamedelnady
08-23-2010, 12:09 AM
حمد الله على السلامه يا دكتور احمد
وربنا يعينك
انا لما بدات اقرا كلامك من الاول كان على بالى موضوع المصاريف وفعلا كنت حاطط احتمال كبير فى ان ها يبقى فيه صعوبه بعد الجزء الاول فى الشغل فى استراليا
عشان كده الجزء الاول انسب حاجه امتحانه فى اسطنبول
وخلال الفتره دى الشغل فى اى دوله عربيه ممارس على الاقل يغطى مصاريف السفر والفيزا

بالتوفيق للجميع

ahmed ahmed 909
08-23-2010, 07:01 AM
بطل من الشرقية ...

drziko
08-24-2010, 06:48 AM
طاب سؤال يا دكتور
كاتبين في الموقع الرسمى ان من شروط الحصول على فيزا elicos انك توريهم نفقات المعيشة مقدما
و اللى بيقولو انها 18000 دولار في السنة يعنى حوالى 90000 جنيه
http://www.immi.gov.au/students/students/570-3/financial.htm
فهل انا كدة فاهم صح ؟
و لو كدة ازاى اتخطى الشرط ده لو مش معاي المبلغ ؟

egyhero109
08-25-2010, 04:25 AM
شكرا جزيلا د_احمد

magdeaaa
08-26-2010, 01:28 PM
السلام عليكم
كل عام والجميع بخير
تم بحمد الله رفع كتاب الـ
an.tholo.gy الأنثولوجي
على موقعي المعهود
http://www.4shared.com/dir/EncZOZo6/AMC_exam.html
بالتوفيق للجميع

drziko
08-27-2010, 07:42 AM
يا ريت يا جماعة اللى يعرف يجاوب على أسئلتى يقول
عشان ده اللى متوقف عليه الحكاية كلها
و شكرا مقدما

zola_797
08-27-2010, 04:36 PM
كل سنة وانت طيب يا دكتور احمد

انا بس لى سؤال واحد ليك ياريت تقولى بالظبط المصادر الى ذاكرت منها لو سمحت وياريت تقولى اخبار الصور الى جات فى الامتحان ايه وكمان رسم القلب واعتمدت على مصادر ايه بالنسبه للصور ياريت تقولى بالظبط ومش تنسى حاجة وجزاك الله كل خير



انا اسف اني بتاخر في الرد , بس علشان ظروف رمضان

المهم , جه في الامتحان 2 رسم قلب و2 اشعه , واحد صدر tb والتانيه mri

وجه 1 صوره جلديه مش عرفتها

تاني حاجه ,الكتب اللي كنت بذاكر منها , هي التالي والله بدون زياده او نقص

الباطنه من الفطاطري وكابلن

الجراحه من وائل لطفي وكابلن

الباقي من كابلن

zola_797
08-27-2010, 04:40 PM
طاب سؤال يا دكتور
كاتبين في الموقع الرسمى ان من شروط الحصول على فيزا elicos انك توريهم نفقات المعيشة مقدما
و اللى بيقولو انها 18000 دولار في السنة يعنى حوالى 90000 جنيه
http://www.immi.gov.au/students/students/570-3/financial.htm
فهل انا كدة فاهم صح ؟
و لو كدة ازاى اتخطى الشرط ده لو مش معاي المبلغ ؟


ازيك يا دكتور

ولا تحير نفسك ولا شي

فيه اصحاب محلات صرافه بيعمله الحركه ديه مقابل حوالي 300 جنيه

يعني يضع المبلغ في حسابك لمده 4 ايام , خلالها بتاخذ جواب من البنك ان ليك حساب بقيمه معينه , وبتروح بيها السفاره وصاحب الصرافه بياخذ فوسها , طبعا بيمضيك علي ايصالات امانه لمده 4 ايام بالمبلغ اللي هو واضعه علشان يضمن حقه

zola_797
08-27-2010, 04:42 PM
حمد الله على السلامه يا دكتور احمد
وربنا يعينك
انا لما بدات اقرا كلامك من الاول كان على بالى موضوع المصاريف وفعلا كنت حاطط احتمال كبير فى ان ها يبقى فيه صعوبه بعد الجزء الاول فى الشغل فى استراليا
عشان كده الجزء الاول انسب حاجه امتحانه فى اسطنبول
وخلال الفتره دى الشغل فى اى دوله عربيه ممارس على الاقل يغطى مصاريف السفر والفيزا

بالتوفيق للجميع

ده الصح ويا ريتي حد قالي علي كده من الاول , علشان المصاريف اللي دفعتها

قدر الله وماشاء فعل

zola_797
08-27-2010, 04:45 PM
السلام عليكم
كل عام والجميع بخير
تم بحمد الله رفع كتاب الـ
an.tholo.gy الأنثولوجي
على موقعي المعهود
http://www.4shared.com/dir/enczozo6/amc_exam.html
بالتوفيق للجميع

تسلم يا دكتور مجدي, وده عهدنا بيك دايما واهل فلسطين , وانا ان شاء الله خلال ايام ارفع ليكم الاسئله اللي جت ليه وكتبتها

hamada
08-27-2010, 07:14 PM
موضوع ممتاز

agarahi
08-29-2010, 02:29 AM
شكرا على المعلومات

feedodeedo
08-30-2010, 05:26 AM
thanxxxxxxxxxxxxxxxxxxxxxxxx

cardiologist82
08-30-2010, 06:14 AM
بصراحة موضوع ممتاااااااااااااااااااااااااز ومعلومات مفيدة جدا
جزا الله كل خير

ahmed_2437
08-31-2010, 04:17 PM
أنا عايز اسألك يا دكتور أحمد أول مرة لما سافرت بالفيزا المؤقتة كانوا طالبين منك حساب في البنك؟

dr.blue horizon
08-31-2010, 06:32 PM
shokran ya doctor

Dr. Kamil
09-02-2010, 04:10 AM
مشكور يا دكتور

zola_797
09-03-2010, 04:09 PM
السلام عليكم ورحمه الله وبركاته

كل عام وانتم بخير بمناسبه عيد الفطر المبارك
اليوم ان شاء الله اضع ليكم جزء من الاسئله اللي جت لي , علي فكره فيه اسئله بتتكرر

بس الاول لازم تعرفه ان فيه خبر جديد نزل علي موقع المجلس الطبي الاسترالي http://www.amc.org.au/ بيقول انه نظام الامتحان تغير من فترتين الي فتره واحده وعدد الاسئله قل , وده رابط الملف تقدروا تشوفوا وتستوضحوا اكتر

الرابط/


http://www.amc.org.au/images/FormsMcqExam/20100830-WEB-AMC-CAT-MCQ-INFORMATION-SHEET.pdf


amc exam



Which nerve is likely injured in spiral fracture of humerus
A.ULNAR NERVE
B.RADIAL NERVE
C.MEDIAN NERVE

In uncomplicated mucosal hemmorids EXCEPT
A.FRESH BLEEDING
B.MUCOUS DISCHARGE
C.PRURITIS ANI
D.PERIANAL PAIN


MAMMOGRAPHY is mostly helpful for
A.WOMEN OVER 35 YRS
B.50 –60 YRS
C.LESS THAN 30 YRS
D.WITH FAMILY HISTORY OF BREAST CANCER


In management of compound fracture of tibia and fibula MOST CORRECT is .
A.IF NO CONTAMINATION DEBRIDEMENT IS UNNECESSARY
B.EXTERNAL FIXATION
C.ANTI TETANUS PLUS ANTIBIOTICS
D.DEBRIDEMENT AND INTERNAL FIXATION

Immediate manegement of tension pneumothrorax
A.INTERCOSTAL TUBE DRAINAGE
B.WIDE BORE NEEDLE AT 2ND INTERCOSTAL SPACE ANTERIORLY
C.ENDOTRACHEAL TUBE


A pt mother has colon cancer at 65 yrs,he is 45 yrs old.he thinks he also has colon cancer.WOF IS TRUE
A.HE WILL HAVE ANNUAL COLONOSCOPIES FROM 50 YRS ONWRDS
B.HE SHOULD HAVE FECAL OCCULT BLOOD TESTING TWO YEARLY
C.BARIUM ENEMA
D.HE SHOLUD HAVE COLONOSCOPY
E.REASSURANCE


is true regarding gall bladder stones EXCEPT
A.THEY R MOSTLY RADIOLUCENT
B.SINGLE STONE IS MOSTLY OF CHOLESTEROL
C.MOSTLY ASYMPTOMATIC
D.PIGMENT STONES R HEMOLYTIC
E.STONE AT CBD CAUSES SEPSIS OF GALL BLADDER


Diagnostic test for hemochromatosis
A.SERUM FERRITIN
B.SERUM IRON
C.SERUM TRANFERRIN SATURATION


A woman came with c/o pain in epigastrium last evening.today morning she passsed dark color urine.her lfts r deranged ,alk po4 is markedly increased.MOST LIKELY
A.BILIARY COLIC
B.ACUTE PANCREATITIS
C.CHOLEDOCHOLITHIASIS

Hepatitis likely to become chronic
A.HEP A
BHEP C
C.HEP B
D.HEP E

Hyperkalemia immediate NEXT STEP
A.GIVE SALBUTAMOL
B.CA RESONIUM
C.DIALYSIS
D.CALCIUM GLUCONATE
E.GLUCOSE AND INSULIN



Postsplenectomy hereditary spherocytosis.AOF is true EXCEPT
A.OSMOTIC FRAGILITY
B.ANEMIA PERSISTENCE
C.NORMAL LIFE SPA OF RBC
D.PRESENCE OF SPHEROCYTES IN PERIPHERAL BLOOD

Polycythemia and cor pulmonale MOST LIKELY ASSOCIATED WITH
A.TUBERCULOSIS
B.BRONCHIACTASIS
C.EMPHYSEMA


Heparin is measured by
A.PT
B.APTT


woman has c/o depression,wt loss,constipation.o/e
serum Ca increased,serum PO4 normal,urine calcium increased,serum urea and creatinine deranged.MOST LIKELY
A.PARATHYROID ADENOMA
B.RENAL FAILURE
C.****STATIC DISEASE


A mother came with complain that her child is not feeding properly,is not gaining weight and is mostly drowsy.O/E child has bilateral cataracts,is unable to gain enough weight.most likely
a.Galactosemia
b.Phenylketonuria
c.G6PDH


Child with type 1 DM mother calls u on phone and says he is not feeling well.blood glucose is 1.1 mmol.What is immediate next step
A.GIVE HIM HIS INSULIN
B.HIGH CHO DIET
C.GIVE HIM GLUCOTHON???RUB IT ON GUMS
D.CALL AMBULANCE
E.GLUCAGON


School going child cannot see blackboard .He can easily see computer and uses it daily. Most likely
A.MYOPIA
B.HYPERMETROPIA
C.AMBYLOPIA
D.STRABISMUS


.A child can sit unsupportedly,can stand with support and plays with toys around him and can roll over by himself.Age
A.10 MONTHS
B.7 MONTHS
C.6 MONTHS
D.11 MONTHS
E .12 MONTHS


A patient presents 4 weeks post acute pancreatittis, and their Serum Amylase is still raised. What is the most likely DX
a. Cholilithiasis
b. chronic pancreatitis
c. pancreatic duct obstruction
d. pseudo pancreatic cyst



Which nerve is responsible for impaired extension of the wrist.
a. Median n
b. Radial n
c. Ulnar n
d. Post interiouse n
e. Ant interiouseis n


In a patient with 15% burn injury what solution would be used?
a. Hartmanns solution
b. Normal saline
c. 4% dextrose

pdp11
09-05-2010, 02:47 AM
سلام تحياتي للجميع شكرا خاص للدكتور زولا جاوبني عن اسئله كانت في ذهني واتمنى ان تمدنا بالمزيد شكرا لك خالص التقدير

mnfmed
09-05-2010, 06:17 AM
تحياتي للجميع وكل عام وانتم بخير بمناسبة عيد الفطر
شكرا للدكتر زولا على تعبة معانا
كان لي سؤال يا دكتور زولا قبا ما اخذت التاشيرة هل طلبوا منك فحص طبي كشرط للسفر ام لا؟

zola_797
09-05-2010, 04:10 PM
تحياتي للجميع وكل عام وانتم بخير بمناسبة عيد الفطر
شكرا للدكتر زولا على تعبة معانا
كان لي سؤال يا دكتور زولا قبا ما اخذت التاشيرة هل طلبوا منك فحص طبي كشرط للسفر ام لا؟


ازيك يا دكتور ممفريند
ولا تعب ولا حاجه , انت تامر

التاشيره الاولي اللي سافرت بيها , مش طلبوا فحص طبي
ولكن التاشيره التانيه بتاعت الدراسه اللي عملتها طلبوا فحص طبي
وعملته في مستشفي اسمه المستشفي الانجلو امريكي في الجزيره , والمسئول هناك دكتوره اسمها ايمان كمال
وده رقم التفون بتاع المستشفي,حسب ما كنت كاتبه عندي

027356608

علي فكره السفاره مش بتطلب منك الكشف الطبي غير لما تكون وافقت علي ورقك

محمدداغر
09-07-2010, 04:41 AM
الف شكر جزاكم الله خيرا

Sebie3k
09-08-2010, 06:21 PM
shokran geddan 3al mawdoo3 :)
barak allaho lak w feek isA :)
so2al
mafesh 2y 2amal enny 2a2dar ad7'ol l emte7an f fatret al emteyaz ?

العباس
09-12-2010, 11:55 PM
موضوع رائع
جزاكم الله خيرا دكتور زولا على الجهد المبذول
كل عام وانتم جميعا بخير
جعله الله فى ميزان حسناتك وربنا يوفقك وتبقى من أفضل الاطباء فى استراليا
فى انتظار بقية الموضوع

Dr.Muslim
09-13-2010, 12:41 AM
اولا بشكرك جدا يا دكتور على مجهود ربنا يجعله فى ميزان حسناتك
جزاك الله كل خير

انا بس عايز خلاصة للموضوع بمعنى
ليه المعادلة الاستراليه من غيرها ؟
مجمل التكاليف كام ؟
فرصتك فى العمل هناك ؟
التخصصات المتاحة ؟
والاهم المرتب كااااااااااااااااااااااام ؟
واحد زى لسة فى سادسة وداخل على الامتياز لو عايز المعادلة الاسترالية اعمل ايه عشاان اسافر على طول بعد الجيش ؟
شكرا يا دوك

bahgat
09-13-2010, 09:33 AM
many thanks go ahead
allah will bless you

drfirefox
09-13-2010, 06:13 PM
شكرا ليك يا دكتور
بس لية المعادلة الاسترالية مش اي حاجة تانية
طب معادلة ال usmle بالشهادة الاسترالية لسة موجود ولا خلاص؟
ياريت تشرحلنا المسارات المختلفة اللي موجودة في الدايجرام
انا عارف انك مستغرب الاسئلة بس الحقيقة انت طلعت بينا بسرعة في الاول -الموضوع القديم - علي التفاصيل
و احنا مشكلتنا القرار او بمعني اصح الاختيار افضل و اضمن مكان او شهاة واقل تكلفة
جزاك الله خيرا يا دكتور علي نية مساعدة زملائك

zola_797
09-14-2010, 10:46 PM
شكرا ليك يا دكتور
بس لية المعادلة الاسترالية مش اي حاجة تانية
طب معادلة ال usmle بالشهادة الاسترالية لسة موجود ولا خلاص؟
ياريت تشرحلنا المسارات المختلفة اللي موجودة في الدايجرام
انا عارف انك مستغرب الاسئلة بس الحقيقة انت طلعت بينا بسرعة في الاول -الموضوع القديم - علي التفاصيل
و احنا مشكلتنا القرار او بمعني اصح الاختيار افضل و اضمن مكان او شهاة واقل تكلفة
جزاك الله خيرا يا دكتور علي نية مساعدة زملائك

السلام عليكم ورحمه الله وبركاته

ولا يهمك ي دكتور
سؤالك قريب من سؤال الدكتور مسلم

الاجابه كالاتي,
اولا بالنسبه للسهوله , الاسترالياه اسهل من الامريكيه والكنديه بكتير سؤاء في الامتحان او التقديم
بالنسب للامتحان 300 سؤال والنظام الجديد 150 واسئله كلهام من الكلينكال مش الاكاديمي

ثانيا بالنسبه فايدتها , معترف بيها في االامارات والكويت والخليج واوربا كلها وكندا( مش عارف امريكا ظروفها ايه )
ثالثا , التكاليف , بص يا باشا الامتحان النظري 2000 دولار استرالي
الامتحان العملي 2000 دولار تقريبا
المشكله في مكان الامتحان النظري او العملي , انا كنت سمعت ان النظري ناوين يعملوه في القاهره
ولكن العملي لازم في استراليا
الخلاصه انها اسهل من الامريكيه او الكنديه
ولكن فيه الاسهل منها الالمانيه , لانك لا تحتاج امتحان في الطب , بس اجاده لغه المانيه مستوي( بي)
من وجهه نظري الفتره اللي اتتعلم فيها الماني , تراجع علي كتب الطب وتدخل الامتحان , والفلوس اللي تصرفها علي تعلم الالماني اقل من رسوم الامتحان بتاع استراليا.

Dr.m.m.m
09-16-2010, 05:57 PM
طيب يادكتور الي فهمته
اننا كده بنروح هناك نشتغل ممراس عام
صح كده الي فهمته ولا لأ
طيب لو حد عايز يتخصص جراحه مثلا جراحه مخ واعصاب
يعمل ايه
انا شفت ان حضرتك قولت لازم امتحان تاني وسكه تانيه
عايز حضرتك تشرحلنا الي نسلكه
يعني دلوقتي امتحنت خلاص وخ المعادله الاستراليه
واشتغلت جي بي
طيب اكمل ازاي بقي واخش جراحه واشتغل بردوا في استراليا

ramez
09-16-2010, 05:58 PM
alsalam 3alykom, ezyk ya dr. , ana ng7t el7mdolilah fe el AMC w 7mt7n ILETS 2oryb, knt 3aiz as2al 3n el foras hnak w el interviews 3ilman en ana lisa fresh , y3ne mm3eesh 3'er emtyaz k experience
w m7tar asagl bridging course 3shan a5od visa , wla a3mel 7war el english course da?
ya ret tfedna bil details de.. 3shan u know elwa7ed el ftra de byb2a tayh shwaia

Dr.m.m.m
09-16-2010, 07:53 PM
كمان يادكتور كنت عايز سؤال
هو لازم اخد تكليف في مصر
ولو مختش التكليف في مصر ده معناه ايه
وكمان
بسال عن امكانيه ان الواحد ياخد امتيازه برا مصر
هل ده ممكن يخده في اي مستشفي برا ولا لأ

drfirefox
09-16-2010, 11:07 PM
السلام عليكم ورحمه الله وبركاته

ولا يهمك ي دكتور
سؤالك قريب من سؤال الدكتور مسلم

الاجابه كالاتي,
اولا بالنسبه للسهوله , الاسترالياه اسهل من الامريكيه والكنديه بكتير سؤاء في الامتحان او التقديم
بالنسب للامتحان 300 سؤال والنظام الجديد 150 واسئله كلهام من الكلينكال مش الاكاديمي

ثانيا بالنسبه فايدتها , معترف بيها في االامارات والكويت والخليج واوربا كلها وكندا( مش عارف امريكا ظروفها ايه )
ثالثا , التكاليف , بص يا باشا الامتحان النظري 2000 دولار استرالي
الامتحان العملي 2000 دولار تقريبا
المشكله في مكان الامتحان النظري او العملي , انا كنت سمعت ان النظري ناوين يعملوه في القاهره
ولكن العملي لازم في استراليا
الخلاصه انها اسهل من الامريكيه او الكنديه
ولكن فيه الاسهل منها الالمانيه , لانك لا تحتاج امتحان في الطب , بس اجاده لغه المانيه مستوي( بي)
من وجهه نظري الفتره اللي اتتعلم فيها الماني , تراجع علي كتب الطب وتدخل الامتحان , والفلوس اللي تصرفها علي تعلم الالماني اقل من رسوم الامتحان بتاع استراليا.[/size][/QUOTE]
شكرا لاهتمامك يا دكتور
ودي الحاجات اللي جات في بالي لما قريت كلام حضرتك
"واسئله كلهام من الكلينكال مش الاكاديمي"
اهي دي فعلا نقطة كويسة جدا
"واوربا كلها وكندا"
حضرتك عندك تفاصيل اكتر?
"لكن العملي لازم في استراليا"
تقريبا كله العملي لازم تسافر
ويبقي
مش فاهم حضرتك حابب الالماني عشان فلوسة اقل ولا المعادلة عشان بدل ما اتعلم لغة اذاكر طب؟
اية ال pathways الممكنة في استراليا بعد الجزء الاول او التاني
بما انك سافرت هل حسيت هناك لسة في احتياج ولا الدنيا قفلت
اية فرص التخصص؟
وسؤال اخير
هل لو انا معايا المعادلة او بشتغل هناك بتساعد في الهجرة

أبوصايل
09-17-2010, 05:07 PM
ياسلام عليك

New.Doctor.Story
09-17-2010, 06:57 PM
ياريت يا دكتور تقول لنا مجموع اللى حضرتك دفعته فى سبيل الحصول على المعادلة من مجرد التفكير والكتب وكل شىء حتى أخذت المعادلة؟؟

torres
09-17-2010, 10:20 PM
thank u dr zola

torres
09-17-2010, 10:50 PM
هل السن بيفرق عند التقدم للشغل فى استراليا؟؟

zxcvbn14286
09-20-2010, 05:08 PM
thanxxxxxxxxxx

ابواحمد2006
09-24-2010, 10:09 PM
السلام عليكم0 تحيه خاصه للزملاء الاعزاء والدكتور احمد0 اود ان اعرف منه عنوان او ايميل معهد اللغه وماهي الخطوات التي اتبعها حتي حصوله علي التأشيره لأستراليا0 لأني وجدت بالبحث ان رسوم معاهد وجامعات اللغه في استراليا 10 الآف فما فوق لذلك سيكون سعر هذا المعهد ممتازا علاوه علي انه يمكن دفع ثلث المبلغ فقط في البدايه0 مع الشكر والتقديرللدكتور احمد زولا0

TABTAB
09-25-2010, 03:04 PM
Thanks for the info

magdeaaa
09-25-2010, 11:10 PM
السلام عليكم0 تحيه خاصه للزملاء الاعزاء والدكتور احمد0 اود ان اعرف منه عنوان او ايميل معهد اللغه وماهي الخطوات التي اتبعها حتي حصوله علي التأشيره لأستراليا0 لأني وجدت بالبحث ان رسوم معاهد وجامعات اللغه في استراليا 10 الآف فما فوق لذلك سيكون سعر هذا المعهد ممتازا علاوه علي انه يمكن دفع ثلث المبلغ فقط في البدايه0 مع الشكر والتقديرللدكتور احمد زولا0

نفس السؤال للدكتور احمد زولا

umniah
09-25-2010, 11:32 PM
السلام عليكم د.احمد ومبروك النجاح ويارب من نجاح لاكثر لانك تعبت وتستحق فعلا
ممكن اسالك سوال ؟؟ هل امتحنت الايلتز او لا؟؟
اذا الواحد لم يمتلك رخصة قيادة هل معناه لايمكن ان يقدم على الامتحان ؟؟؟
عندما رغبت في الامتحان في الشهر الذي قررته .. فمتى قدمت لامتحان , اقصد كم شهر قبله قدمت اوراقك ؟؟؟

شكرا على جهودك ووفقك الله

ramez
09-26-2010, 12:27 AM
نفس السؤال للدكتور احمد زولا

brdo nfs elso2al Dr. zola
lw etkrmt 3lena, elm3looma de gdeeda w mohma gdn, lw mmkn tfseelha wezay to contact them

mohammed
09-26-2010, 12:40 AM
السلام عليكم

mohammed
09-26-2010, 12:41 AM
ووووووووووووووووو اكتب

dr_kappary
09-26-2010, 01:31 AM
كمل يا دكتور مشكور

dr.adel00
09-26-2010, 06:13 PM
ربنا معاك

x_mm_x
09-27-2010, 09:57 AM
الله يوفقك

zola_797
09-28-2010, 01:25 AM
نفس السؤال للدكتور احمد زولا


http://carrickeducation.edu.au/

zola_797
09-28-2010, 01:27 AM
هل السن بيفرق عند التقدم للشغل فى استراليا؟؟

لا يفرق

اللي يفرق اللغه واجادتك لها

dr m7md
09-28-2010, 03:39 AM
rbna ywf2k w ywf2na y rab

dr_usama
09-28-2010, 09:14 AM
مرتب الطبيب الgp هناك كام؟؟

ومعقول الطب فى المانية اجادة لغة فقط؟؟

princed
09-28-2010, 03:13 PM
موضوع رائع جدا ...انا قاعد بامزمز فيه تاني

:d

umniah
10-02-2010, 02:50 PM
اخي الكريم تمنى الرد منك على سوالي السابق وسوالي التالي ... ماذا تقصد بمزاوله المهنة الي تاخذ 25 نقطة ؟ وكيف الحصول عليها ؟ ومن الجهه المقصودة التي احصل هذه المزاولة منها .. سامح جهلي في هذه المواضيع واتمنى الرد .. جزاك الله كل الخير

ابواحمد2006
10-04-2010, 01:15 AM
http://carrickeducation.edu.au/

عزيزي د0أحمدزولا 0 لقد ارسلت الapplicaton لمعهداللغه ذاك والي الان لم يصل اي رد0 هل يمكن اذا تفضلت ان تدلنا علي الخطوات التي عملتها بالضبط حتي حصولك علي التأشيره وهل قدمت كورس لgeneral english ولا academic ولاfor ielts preparation وهل laurine هذه لها دخل في تقديم الاوراق للمعهد وفي حالة ذلك كيف يمكن الاتصال بها؟ ارجو الافاده للأهميه شكرآ جزيلا لكم وجزاكم الله خيرآ0

ri30
10-04-2010, 07:14 AM
شكرا يا دكتور على المعلومات الجميلة دي

zola_797
10-04-2010, 02:25 PM
عزيزي د0أحمدزولا 0 لقد ارسلت الapplicaton لمعهداللغه ذاك والي الان لم يصل اي رد0 هل يمكن اذا تفضلت ان تدلنا علي الخطوات التي عملتها بالضبط حتي حصولك علي التأشيره وهل قدمت كورس لgeneral english ولا academic ولاfor ielts preparation وهل laurine هذه لها دخل في تقديم الاوراق للمعهد وفي حالة ذلك كيف يمكن الاتصال بها؟ ارجو الافاده للأهميه شكرآ جزيلا لكم وجزاكم الله خيرآ0

اتصل بيهم عن طريق مل البيانات التاليه

http://www.carrickeducation.edu.au/contact

zola_797
10-04-2010, 02:37 PM
اخي الكريم تمنى الرد منك على سوالي السابق وسوالي التالي ... ماذا تقصد بمزاوله المهنة الي تاخذ 25 نقطة ؟ وكيف الحصول عليها ؟ ومن الجهه المقصودة التي احصل هذه المزاولة منها .. سامح جهلي في هذه المواضيع واتمنى الرد .. جزاك الله كل الخير

من وزاره الصحه المصريه
خليكي في المضمون وهو جواز السفر والرخصه والفيزا

painkiller
10-05-2010, 02:05 AM
زمااااااااااااااااااااااااااان عت حضرتك دكتور احمد
لو فاكر انا جوكاز jukass من المنتدى السابق
المهم الف مبروك للامتحان وانك خلصته على خير
والله يعطيك الف الف عافية على تكملة الموضوع
مع اني ما كنتش متوقع انك تكمله في المنتدى الاولاني

وبعدين انا عتبان عليك ,,, ازاي تنزل السعودية وما تبلغنيش ؟؟؟
انا بالسعودية كان قلت يا صديقي وقابلناك واكرمناك عندنا هناك ,, الا على فكرة نزلت انته في اي مدينة ؟؟

المهم كل امنياتي بالتوفيق والتساهيل في استراليا يا باشا

الله معاك

drfirefox
10-05-2010, 01:24 PM
السلام عليكم ورحمه الله وبركاته

ولا يهمك ي دكتور
سؤالك قريب من سؤال الدكتور مسلم

الاجابه كالاتي,
اولا بالنسبه للسهوله , الاسترالياه اسهل من الامريكيه والكنديه بكتير سؤاء في الامتحان او التقديم
بالنسب للامتحان 300 سؤال والنظام الجديد 150 واسئله كلهام من الكلينكال مش الاكاديمي

ثانيا بالنسبه فايدتها , معترف بيها في االامارات والكويت والخليج واوربا كلها وكندا( مش عارف امريكا ظروفها ايه )
ثالثا , التكاليف , بص يا باشا الامتحان النظري 2000 دولار استرالي
الامتحان العملي 2000 دولار تقريبا
المشكله في مكان الامتحان النظري او العملي , انا كنت سمعت ان النظري ناوين يعملوه في القاهره
ولكن العملي لازم في استراليا
الخلاصه انها اسهل من الامريكيه او الكنديه
ولكن فيه الاسهل منها الالمانيه , لانك لا تحتاج امتحان في الطب , بس اجاده لغه المانيه مستوي( بي)
من وجهه نظري الفتره اللي اتتعلم فيها الماني , تراجع علي كتب الطب وتدخل الامتحان , والفلوس اللي تصرفها علي تعلم الالماني اقل من رسوم الامتحان بتاع استراليا.[/size]
شكرا لاهتمامك يا دكتور
ودي الحاجات اللي جات في بالي لما قريت كلام حضرتك
"واسئله كلهام من الكلينكال مش الاكاديمي"
اهي دي فعلا نقطة كويسة جدا
"واوربا كلها وكندا"
حضرتك عندك تفاصيل اكتر?
"لكن العملي لازم في استراليا"
تقريبا كله العملي لازم تسافر
ويبقي
مش فاهم حضرتك حابب الالماني عشان فلوسة اقل ولا المعادلة عشان بدل ما اتعلم لغة اذاكر طب؟
اية ال pathways الممكنة في استراليا بعد الجزء الاول او التاني
بما انك سافرت هل حسيت هناك لسة في احتياج ولا الدنيا قفلت
اية فرص التخصص؟
وسؤال اخير
هل لو انا معايا المعادلة او بشتغل هناك بتساعد في الهجرة[/QUOTE]

ياريت يا دكتور احمد ترد علي اسئلتي
اهم حاجة بس ال pathways لاني مش فاهمها
جزاك الله خيرا

painkiller
10-05-2010, 01:50 PM
السلام عليكم
كل عام والجميع بخير
تم بحمد الله رفع كتاب الـ
an.tholo.gy الأنثولوجي
على موقعي المعهود
http://www.4shared.com/dir/enczozo6/amc_exam.html
بالتوفيق للجميع

جاااااااااااااااااري التحميل والمعاينة يا باشا
بالتوفيييييييييييييق يا صديييييييييييييييق

dr_hodhod
10-05-2010, 09:16 PM
السلام عليكم ورحمة الله وبركاته

مجهود روعه لصاحب الموضوع وأنا جديد معاكم وربنا ييسرلي وأكمل على خير

dr_hodhod
10-05-2010, 09:49 PM
أنا قرأت الموضوع كاملا ياإخوان

ولكن سؤالي الهام؟؟؟ هل يمكن العمل بمجرد اجتياز امتحان المرحله الأولى فقط؟؟؟

ولكم جزيل الشكر

magdeaaa
10-05-2010, 11:02 PM
جاااااااااااااااااري التحميل والمعاينة يا باشا
بالتوفيييييييييييييق يا صديييييييييييييييق

welcome back my brother
miss you so much anoos

zola_797
10-07-2010, 02:04 AM
شكرا لاهتمامك يا دكتور
ودي الحاجات اللي جات في بالي لما قريت كلام حضرتك
"واسئله كلهام من الكلينكال مش الاكاديمي"
اهي دي فعلا نقطة كويسة جدا
"واوربا كلها وكندا"
حضرتك عندك تفاصيل اكتر?
"لكن العملي لازم في استراليا"
تقريبا كله العملي لازم تسافر
ويبقي
مش فاهم حضرتك حابب الالماني عشان فلوسة اقل ولا المعادلة عشان بدل ما اتعلم لغة اذاكر طب؟
اية ال pathways الممكنة في استراليا بعد الجزء الاول او التاني
بما انك سافرت هل حسيت هناك لسة في احتياج ولا الدنيا قفلت
اية فرص التخصص؟
وسؤال اخير
هل لو انا معايا المعادلة او بشتغل هناك بتساعد في الهجرة

ياريت يا دكتور احمد ترد علي اسئلتي
اهم حاجة بس ال pathways لاني مش فاهمها
جزاك الله خيرا[/QUOTE]

بص يادكتور الامر بسيط جدا,اللي انا بشرحه ده كله علشان تاخذ ترخيص مزاوله المهنه في استراليا علشان تمارس المهنه كطبيب عام, حكايه تاخذ ترخيص الاختصاص صعبه شويتين واناهناك صراحه مش شفت حد عاملها,
كله بيعمل الممارس العام وهناك بعد كده تقدم علي زماله او نيابه

ام بالنسبه للهجره ,علشان تقدم عليها ,
ايقولك انت بتشتغل ايه , اتقول طبيب , ايقول لك شرط ضروري ولازم ولا بد منه علشان ورقك يمشي يكون معاك الترخيص وشرط اللغ , ده علشان تقدم علي هجره كطبيب

zola_797
10-07-2010, 02:08 AM
أنا قرأت الموضوع كاملا ياإخوان

ولكن سؤالي الهام؟؟؟ هل يمكن العمل بمجرد اجتياز امتحان المرحله الأولى فقط؟؟؟

ولكم جزيل الشكر

لاازم تعرف ان الشغل ارزاق, والشغل مسموح بيه ليك,
اما نوعيه الشغل, سنيور امتياز,
انا شفت واحد باكستاني عنده 41 سنه ولسه مخلص الجزء الاول وبيشتغل سنيو امتياز

hazem79eg
10-12-2010, 12:41 AM
please continue if you are there i am waiting for you for weeks now .

wiseman
10-14-2010, 03:21 AM
thanks doctor Ahmad for this great effort, i really happy to read it, and hope you will continoue...

moaazmoh
10-15-2010, 04:41 PM
السلام عليكم و رحمة الله و بركاته

اولا بجد احب اشكر كل القائمين على الموضوغ, اللى فعلا افادونى جدا ... جزاهم الله كل خير على تعبهم و وقتهم

انا طالب فى الفرقة السادسة , القصر العينى ... و عندى نية ان شاء الله انى ابدأ المعادلة الاسترالية

كان عندى شوية استفسارات احب اسأل عنها ... انا قرأت الموضوع كله بس لازال عندى شوية نقط محتاج اسأل عليها:

1- بالنسبة للتسجيل, انا تابعت ان ال identification requirments اتغيرت ... و لاحظت ان مش شرط ان تقدم كارنيه النقابة ... فهل ده معناه انى ممكن اقدم لأمتحان ال mcq و انا فى فترة الامتياز؟ ... و اذا كان ينفع فعلا, هل تنصحونى اعمل كده؟

2- من قرأتى لمواقع استرالية ... لقيت انى لازم اعمل ال internship سواء قبل او بعد امتحان الكلينكال (ده طبعا بعد اما اكون نجحت فى ال mcq) ... الاسئلة اللى عندى:

-الامتياز المصرى ملوش اى لازمة, لأنه مش معترف بيه من قبل medical board of Australia لأننا مصنفين ك Non-Competent country ... هل فى حل للموضوع ده؟

- هل ممكن اطنش الامتياز هناو احاول اطلع على استراليا على طول بعد اما اخلص امتحانات النظرى؟ (ساعتها مش هقدر اسجل فى النقابة و هيبقى معايا بس الشهادة المؤقتة)

- انا قرأت ان اصلا الطلبة الاستراليين الاماكن الخاصة بال internship قليلة عليهم ... فهل فى حل للموضوع ده؟

- هل الشغل فى area of need حاليا فقط للاخصائيين؟ لأن على موقع ال Amc ال area of need بقى pathway للاخصائيين.

3- انا الحمد لله ربنا وفقنى انى اعمل تدريب فى دول اوروبية و بعد اما اخلص امتيازى هيكون معايا حوالى 6 شهور تدريب فى دول اوروبية (النمسا - فرنسا - المانيا - انجلترا) ... التدريب ده ممكن يفيدنى ازاى هناك؟

جزاكم الله كل خير

zola_797
10-17-2010, 02:16 PM
السلام عليكم و رحمة الله و بركاته

اولا بجد احب اشكر كل القائمين على الموضوغ, اللى فعلا افادونى جدا ... جزاهم الله كل خير على تعبهم و وقتهم

انا طالب فى الفرقة السادسة , القصر العينى ... و عندى نية ان شاء الله انى ابدأ المعادلة الاسترالية

كان عندى شوية استفسارات احب اسأل عنها ... انا قرأت الموضوع كله بس لازال عندى شوية نقط محتاج اسأل عليها:

1- بالنسبة للتسجيل, انا تابعت ان ال identification requirments اتغيرت ... و لاحظت ان مش شرط ان تقدم كارنيه النقابة ... فهل ده معناه انى ممكن اقدم لأمتحان ال mcq و انا فى فترة الامتياز؟ ... و اذا كان ينفع فعلا, هل تنصحونى اعمل كده؟

2- من قرأتى لمواقع استرالية ... لقيت انى لازم اعمل ال internship سواء قبل او بعد امتحان الكلينكال (ده طبعا بعد اما اكون نجحت فى ال mcq) ... الاسئلة اللى عندى:

-الامتياز المصرى ملوش اى لازمة, لأنه مش معترف بيه من قبل medical board of Australia لأننا مصنفين ك Non-Competent country ... هل فى حل للموضوع ده؟

- هل ممكن اطنش الامتياز هناو احاول اطلع على استراليا على طول بعد اما اخلص امتحانات النظرى؟ (ساعتها مش هقدر اسجل فى النقابة و هيبقى معايا بس الشهادة المؤقتة)

- انا قرأت ان اصلا الطلبة الاستراليين الاماكن الخاصة بال internship قليلة عليهم ... فهل فى حل للموضوع ده؟

- هل الشغل فى area of need حاليا فقط للاخصائيين؟ لأن على موقع ال Amc ال area of need بقى pathway للاخصائيين.

3- انا الحمد لله ربنا وفقنى انى اعمل تدريب فى دول اوروبية و بعد اما اخلص امتيازى هيكون معايا حوالى 6 شهور تدريب فى دول اوروبية (النمسا - فرنسا - المانيا - انجلترا) ... التدريب ده ممكن يفيدنى ازاى هناك؟

جزاكم الله كل خير

ولا لهمك يا دكتور
بص اولا مفيش حكايه انك تاخذ امتياز هناك بعد امتحان الجزء الاول
تاني شي , شروط ال100نقطه ثابته
ثالثا لازم تاخذ امتياز علشان تاخذ شهادة التخرج من الكلية وتصريح مزاوله المهنه
area of needده كان زمان بيشترطوا خبره 5 سنين خبرة واجاده الانجلزيه

دلوقتي النظام اتتغير , عهلشان تشتغل في استراليا طبيب في اي مكان لازم يكون معدي الامتحانين النظري والعملي
اما بالنسبه للتدريب اللي اتاخده في اوربا , ده ايفيدك لما تقدم في اي مستشفي علسان تشتغل , ايرفع من اسهمك

لو عندك اي سؤال تاني انا تحت امرك

moaazmoh
10-17-2010, 05:40 PM
ولا لهمك يا دكتور
بص اولا مفيش حكايه انك تاخذ امتياز هناك بعد امتحان الجزء الاول
تاني شي , شروط ال100نقطه ثابته
ثالثا لازم تاخذ امتياز علشان تاخذ شهادة التخرج من الكلية وتصريح مزاوله المهنه
area of needده كان زمان بيشترطوا خبره 5 سنين خبرة واجاده الانجلزيه

دلوقتي النظام اتتغير , عهلشان تشتغل في استراليا طبيب في اي مكان لازم يكون معدي الامتحانين النظري والعملي
اما بالنسبه للتدريب اللي اتاخده في اوربا , ده ايفيدك لما تقدم في اي مستشفي علسان تشتغل , ايرفع من اسهمك

لو عندك اي سؤال تاني انا تحت امرك

جزاك الله كل خير على الرد يا دكتور

بخصوص التقديم للجزء الاول فى امتياز ... التسجيل فى النقابة مش من الشروط الاساسية, ده غير ان هيبقى معايا الشهادة المؤقتة ... و لا هما بيطلبوا الشهادة الكرتون؟

دى الشروط الجديدة

Acceptable ********s

You MUST provide:

A certified copy of your Passport
PLUS ONE of the following ********s (issued in Australia or overseas)

A certified copy of your Drivers Licence
A certified copy of your Credit Card (front and back)
A certified copy of your International English ******** Testing System Test Report Form (IELTS-TRF) (with photograph only)
A certified copy of your Current registration/Certificate of Good Standing from relevant medical regulatory authority

يعنى هما عايزين بالاضافة للباسبور, حاجة واحدة من الحاجات التانية

لو ينفع انى اقدم فى امتياز هل تنصحنى بحاجة زى دى؟

بخصوص ال work based assessment - standard pathway

هل حضرتك عندك فكره مين اللى من حقه يقدم لل pathway ده؟

zola_797
10-19-2010, 01:20 AM
جزاك الله كل خير على الرد يا دكتور

بخصوص التقديم للجزء الاول فى امتياز ... التسجيل فى النقابة مش من الشروط الاساسية, ده غير ان هيبقى معايا الشهادة المؤقتة ... و لا هما بيطلبوا الشهادة الكرتون؟

دى الشروط الجديدة

Acceptable ********s

You MUST provide:

A certified copy of your Passport
PLUS ONE of the following ********s (issued in Australia or overseas)

A certified copy of your Drivers Licence
A certified copy of your Credit Card (front and back)
A certified copy of your International English ******** Testing System Test Report Form (IELTS-TRF) (with photograph only)
A certified copy of your Current registration/Certificate of Good Standing from relevant medical regulatory authority

يعنى هما عايزين بالاضافة للباسبور, حاجة واحدة من الحاجات التانية

لو ينفع انى اقدم فى امتياز هل تنصحنى بحاجة زى دى؟

بخصوص ال work based assessment - standard pathway

هل حضرتك عندك فكره مين اللى من حقه يقدم لل pathway ده؟

بص يا دكتور
اول حاجه نصيحتي , خلص الامتياز وركز فيه شويه , علشان تتعلم حاجه عملية تفيدك هنا او بره
خلال الامتياز استغل الفترة وذاكر بكل قوه قبل ما تنسي وتكسل
اول ما تخلص امتيازك قدم وامتحن

تاني حاجه بالنسبه للشروط اللي حضرتك كاتبها , ديه مش جديد ,ولكن ديه المطلوبه من الناس اللي خارج استراليا
وكل واحده ليه نقطه
جواز السفر ب70
وبطاقه الماستر والرخصه الدوليه كل واحدة ب25 نقطه (او 20 مش متذكر بالظبط)
وشهادة الميلاد ب70
بس هي من نفس فئه الجواز , يعني تقدم واحده من الاتنين
اما جواز او شهادة ميلاد
بس هم طبعا ايطلوبوا منك جواز السفر لان فيها صورتك وتوقيعك

تالت حاجه بالنسبة لwork based assessment - standard pathway

http://www.amc.org.au/index.php/img

ramez
10-19-2010, 05:54 AM
Dr. Zola thx for your great efforts
el72e2a bs fadel 7aga lisa mtwehanashwaia, after AMC MCQ and IELTS
what is the job title to apply for?

RMO , or CMO , or SRMO , or house medical officer

el72ee2a toht fe elmwdoo3 da.... ya ret tsa3dna fe w tfhmna anhe feehom w eh elfar2

thx a lot

moaazmoh
10-20-2010, 01:44 AM
اعتقد ده ممكن يفيدك ... ده ال career pathway فى Queensland

و طبعا رد د. zola هيبقى احسن

http://www.health.qld.gov.au/medical/careerpath.asp

moaazmoh
10-20-2010, 04:17 AM
بص يا دكتور
اول حاجه نصيحتي , خلص الامتياز وركز فيه شويه , علشان تتعلم حاجه عملية تفيدك هنا او بره
خلال الامتياز استغل الفترة وذاكر بكل قوه قبل ما تنسي وتكسل
اول ما تخلص امتيازك قدم وامتحن

تاني حاجه بالنسبه للشروط اللي حضرتك كاتبها , ديه مش جديد ,ولكن ديه المطلوبه من الناس اللي خارج استراليا
وكل واحده ليه نقطه
جواز السفر ب70
وبطاقه الماستر والرخصه الدوليه كل واحدة ب25 نقطه (او 20 مش متذكر بالظبط)
وشهادة الميلاد ب70
بس هي من نفس فئه الجواز , يعني تقدم واحده من الاتنين
اما جواز او شهادة ميلاد
بس هم طبعا ايطلوبوا منك جواز السفر لان فيها صورتك وتوقيعك

تالت حاجه بالنسبة لwork based assessment - standard pathway

http://www.amc.org.au/index.php/img

شكرا يا دكتور على النصيحة و على اللينك

انا كنت دخلت من فترة, مكنش لسه نزل معلومات عن ال pathway

من اللى قرأته, ان ال pathway معمول للناس اللى خلصت Mcq و اشتغلت فى استراليا

يبقى ده معناه ان لسه ممكن تشتغل بال ال MCQ & ILETS؟ و لا الموضوع ده انتهى؟

dr_amrsameer
10-22-2010, 11:28 PM
thanksssssssssssssssssssssssssss

dr_amrsameer
10-22-2010, 11:31 PM
شكراااااااااااااااااااا

zola_797
10-23-2010, 12:12 AM
dr. Zola thx for your great efforts
el72e2a bs fadel 7aga lisa mtwehanashwaia, after amc mcq and ielts
what is the job title to apply for?

Rmo , or cmo , or srmo , or house medical officer

el72ee2a toht fe elmwdoo3 da.... Ya ret tsa3dna fe w tfhmna anhe feehom w eh elfar2

thx a lot

للاسف يا دكتور , مش بعرف اقرا بالطريقه الانجلو عربي
يا ريت حضرتك ممكن تكتب بالعربي

zola_797
10-23-2010, 12:13 AM
شكرا يا دكتور على النصيحة و على اللينك

انا كنت دخلت من فترة, مكنش لسه نزل معلومات عن ال pathway

من اللى قرأته, ان ال pathway معمول للناس اللى خلصت mcq و اشتغلت فى استراليا

يبقى ده معناه ان لسه ممكن تشتغل بال ال mcq & ilets؟ و لا الموضوع ده انتهى؟

ممكن تشتغل عادي
بس المهم تدور وتلاقي المستشفي

mnfmed
10-23-2010, 03:51 AM
موضوع جميل

ramez
10-25-2010, 06:00 PM
Dr. Zola thx for your great efforts
el72e2a bs fadel 7aga lisa mtwehanashwaia, after AMC MCQ and IELTS
what is the job title to apply for?

RMO , or CMO , or SRMO , or house medical officer


el72ee2a toht fe elmwdoo3 da.... ya ret tsa3dna fe w tfhmna anhe feehom w eh elfar2

thx a lot

ramez
10-28-2010, 08:54 PM
دكتور زولا أنا لسة ةاخد بالي من ردك داوئتي.. انا كنت بسأل على عنوان الوظيفة اللي أور عليها بعد ال MCQ & IELTS
is it RMO or CMO or SMO or SRMO
علما ان أنا لسة مخلص امتياز وفيش سنين خبرة وبتاع
وعنوان الوظيفة دة توهني شوية , مش عارف انهي فيهم
يا ريت تفيدنا فيها

شكرا لمجهودك يا باشا

zola_797
10-31-2010, 10:12 PM
دكتور زولا أنا لسة ةاخد بالي من ردك داوئتي.. انا كنت بسأل على عنوان الوظيفة اللي أور عليها بعد ال mcq & ielts
is it rmo or cmo or smo or srmo
علما ان أنا لسة مخلص امتياز وفيش سنين خبرة وبتاع
وعنوان الوظيفة دة توهني شوية , مش عارف انهي فيهم
يا ريت تفيدنا فيها

شكرا لمجهودك يا باشا

بص يا دكتور انت بتشتغل سنيور امتاز

mohamed246
11-02-2010, 05:23 PM
thanks very much for such a great effort
gazak allaho 7'ayran

zola_797
11-06-2010, 12:39 AM
امبارح انا حجزت تذاكر الطيران بتاعتي علي يوم الجمعة 26/11/2010

ادعوي لي

وان شاء الله لما اظبط وضعي هناك

ابدا اوافيكم برسائل يوميه حصريه عن الحياه هناك عن كل حاجه
ولو اي حد عاوز اي حاجه دلوقتي او بعدكده , انا تحت امره

moaazmoh
11-06-2010, 07:15 AM
امبارح انا حجزت تذاكر الطيران بتاعتي علي يوم الجمعة 26/11/2010

ادعوي لي

وان شاء الله لما اظبط وضعي هناك

ابدا اوافيكم برسائل يوميه حصريه عن الحياه هناك عن كل حاجه
ولو اي حد عاوز اي حاجه دلوقتي او بعدكده , انا تحت امره


ربنا يوفق حضرتك يا دكتور ... منتظرين التقارير الوافية:)

هو حضرتك رايح تشتغل و لا امتحان الكلينيكال؟

ربنا يجعله فى ميزان حسناتك

asa4glory
11-06-2010, 05:12 PM
حقيقى من السهل انك تشرح خطوات التقديم لكن ايه بعد النهاية من الحصول على المعادلة ؟ هل يكون الوضع زى الزمالة البريطانية تستخدم بس برة بريطانيا ام يكون بيها فرص عمل متاحة فى استراليا ؟
ارجو الرد وشكرا جدا على المعلوماتاللى موجودة فى العرض ده
حقيقى موضوع شيق جدا

dr.mag200
11-15-2010, 12:51 PM
Thank U doctor

reciprocal
11-21-2010, 12:19 AM
i hope God Will Crown Your Efforts With Success dr zola

COOLDOCTOR
12-06-2010, 06:52 PM
thx alot for ur effort

MEEDOFOX
12-07-2010, 10:49 AM
شكر جزيلا استفدت من موضوعك كتير اوي

medoo
12-08-2010, 09:51 AM
ترجعلنا بالسلامه

matrsmido
12-15-2010, 09:55 PM
مشكور على هالمعلومات الجيدة....منتظرين خبرتك فىما تبقى

zzz4001
12-18-2010, 12:54 AM
بس حبيت اسجل شكري وامتناني وخالص امنياتي ليك بالتوفيق والنجاح يارب

Peter Marzouk
12-20-2010, 01:48 AM
الف شكر يا دكتور بجد انا فرحان بالموضوع ده جدا ... تيجي بالسلامه يا باشا .. سلملنا علي البنوته الصاروخ

Eva Nasrallah
12-20-2010, 04:04 PM
عندي سؤال مش مطروح كتير بس لو حد يعرف يساعدني يبقى كتّر ألف خيره
فيه حد عنده أي معلومات عن المعادلة الإيطالية ؟؟؟ يعني ممكن حد يتكرم ويكتب موضوع مختصر زي الدكتور اللي كتب عن استراليا كدة ؟
أنا باتكلم إيطالي كويس جدا وحاسّة إن فرصتي حلوة لأن مش كتير ممكن يسعوا في حاجة زي كدة بس أنا مش عارفة أبدأ منين
أنا لسة مخلصة سنة ساتة من شهر واحد
وشكرا مقدما

Eva Nasrallah
12-20-2010, 04:10 PM
ألف شكر يا دكتور أحمد الموضوع بتاع حضرتك مغطّي كل شئ

magdeaaa
12-22-2010, 02:07 AM
بسم الله الرحمن الرحيم
الحمد الله الذي مَن علينا بنعمة الاسلام والصلاة والسلام على خاتم المرسلين سيدنا محمد وعلى اله واصحابة اجماعين


اليوم طلعت نتائج امتحان المعادلة لشهر 11 والحمد الله رب العالمين كنت من الناجحين
اي طبيب عاوز اجاوبوا عن اي سؤال بخصوص التسجيل او الدراسة انا جاهز

مبروك إلي ومبروك لجميع الناجحين

Peter Marzouk
12-22-2010, 03:51 AM
انا كنت عاوز اسال بخصوص الايلتس "Ielts" امتي مفروض اعمله ؟؟؟
يعني قبل مبدا مذاكرهpart 1 ولا بعده ؟؟؟
انا لسه مستني امتياز ومش عارف ابدا ب ايه ؟؟
لو حد يقدر يساعدني اكون شاكر

feinerli
12-23-2010, 02:10 PM
عندي سؤال مش مطروح كتير بس لو حد يعرف يساعدني يبقى كتّر ألف خيره
فيه حد عنده أي معلومات عن المعادلة الإيطالية ؟؟؟ يعني ممكن حد يتكرم ويكتب موضوع مختصر زي الدكتور اللي كتب عن استراليا كدة ؟
أنا باتكلم إيطالي كويس جدا وحاسّة إن فرصتي حلوة لأن مش كتير ممكن يسعوا في حاجة زي كدة بس أنا مش عارفة أبدأ منين
أنا لسة مخلصة سنة ساتة من شهر واحد
وشكرا مقدما

بصى يا دكتوره فى كذا موضوع عاملهم اخوه سورريين فى منديات سيتامول او منتدى حكيم الطبى
دا احد هذه المواضيع
http://www.hakeem-sy.com/main/node/5824
وبالتوفيق ان شاء الله

dr_wolverine
12-24-2010, 03:17 PM
thanks alot doctor

dr_hoooma
12-27-2010, 01:25 PM
يا ريت تكمل يا د_احمد احنا معاك

dr_hoooma
12-27-2010, 01:25 PM
طيب الكتب اسمها ايه واجيبها منين

dr.new
12-31-2010, 10:59 AM
بسم الله الرحمن الرحيم
الحمد الله الذي مَن علينا بنعمة الاسلام والصلاة والسلام على خاتم المرسلين سيدنا محمد وعلى اله واصحابة اجماعين


اليوم طلعت نتائج امتحان المعادلة لشهر 11 والحمد الله رب العالمين كنت من الناجحين
اي طبيب عاوز اجاوبوا عن اي سؤال بخصوص التسجيل او الدراسة انا جاهز

مبروك إلي ومبروك لجميع الناجحين

الف مبروك يا دكتور مجدى وربنا يوفقك فى بقيه المشوار ونسمع خير عنك ويرزقك بوظيفه باذن الله انا لى استفسار ايه طريقه المذاكرة الافضل الى تاهلنا لدخول الامتحان يعنى انت عملت ايه بالظبط

magdeaaa
01-01-2011, 12:40 AM
الف مبروك يا دكتور مجدى وربنا يوفقك فى بقيه المشوار ونسمع خير عنك ويرزقك بوظيفه باذن الله انا لى استفسار ايه طريقه المذاكرة الافضل الى تاهلنا لدخول الامتحان يعنى انت عملت ايه بالظبط

.....عدنا ......

بسم الله الرحمن الرحيم
والصلاة والسلام على سيد المرسلين سيدنا محمد وعلى أله وصحبة أجمعين

بخصوص الكتب وطريقة الدراسة والنصائح راح أحاول أضعها بأبسط طريقة ممكنة

بخصوص الكتب وطريقة الدراسة
1- Medicine ------ kaplan_step2_ck + 1stAid for usmle step 2 ck (6th edition)
2- Skin ---- kaplan_step2_ck + John Murtagh (General Practice ) -
3- Surgery--- kaplan_step2_ck أول 60 صفحة بصم وباقي الكتاب فقط مرة واحدة او مرتين
4- Pediatric ---- 1stAid for usmle step 2 ck (6th edition)
5- Gynecology --- kaplan_step2_ck + John Murtagh (General Practice )
6- Obstetric ---1stAid for usmle step 2 ck (6th edition)
7- Psychiatric --- kaplan_step2_ck

Not :- 1stAid for usmle step 2 ck (6th edition) لازم ينقراء من الجلدة للجلدة

بخصوص الكتب الأخرى أو كتب الصور
Only
1-Anthology) only the picture)
2-ECG med easy

بخصوص كتب الأسئلة
يوجد عدة كتب أهم شي هو قراء كل شبتر من الكتب السابقة وحل الأسئلة الموجودة على كل شبتر مباشرة عشان تركز المعلومة . عشان كده هذا هو طريقة وترتيب الكتب حسب من يجب قرأته أولا
1- 1st Aid Q&A for step 2 ck
2- kaplan_step2_ck Qbook
3- Lange Q&A USMLE step2_6th ED_2008 ) شبيه جدا بالأمتحان من حيث نظام و طول الاسئلة
4- AMC book ( last edition )

After that u should solve this web sit
www.usmleworld.com or www.canadaqbank.com

usmle world أنا شخصياً حليت فقط موقع الـ

تعالوا شو وين رايحين شو فكركوا خلصنا لا .... عشم ابليس بالجنة ..

بعد ها كلوا بتقوم وبتراجع كتاب الــ amc book مع الشرح

وهكذا انشاء الله رب العالمين بتكون من الناجحين

ملاحظة هامة أنا وجميع أصدقائي الذين نجحوا في الامتحان وعددنا 5 لم نقم بقرأه أسئلة السنوات السابقة لأنها مضيعة للوقت وناقصة وكثير منها غير صحيح

ملاحظة جميع الكتب التي تم ذكرها موجدة على الموقع المعهود على الفور شير

لا تنسونا من صالح الدعاء
.....<<< The End >>>.....

dr.new
01-02-2011, 12:56 PM
شكرا يا دكتور مجدى على المعلومات القيمة الى افدتنى بيها وربنا يوفقك انت ناوى على الايلتس ولا الاويت ؟

dr.new
01-02-2011, 01:45 PM
يا دكتور مجدى انت قلت جون مورتاج تقصد ال hand book الصغير ؟؟؟؟

magdeaaa
01-07-2011, 06:41 PM
يا دكتور مجدى انت قلت جون مورتاج تقصد ال hand book الصغير ؟؟؟؟
لا جون مورتاج كتاب اكبير اكتر من 2000 صفحة شوف هادي الروابط راح اتفيدك انشاء الله رب العالمين

http://www.4shared.com/dir/9HPzSccR/sharing.html

http://www.4shared.com/dir/EncZOZo6/__sharing.html

dr.ahmeddr
01-09-2011, 05:44 PM
يعني صارت كله اضعط ط لش

Dr_Maco
01-14-2011, 09:23 PM
allah yekremak ya doc:))

Sebie3k
01-22-2011, 12:30 PM
بسم الله الرحمن الرحيم
الحمد الله الذي مَن علينا بنعمة الاسلام والصلاة والسلام على خاتم المرسلين سيدنا محمد وعلى اله واصحابة اجماعين


اليوم طلعت نتائج امتحان المعادلة لشهر 11 والحمد الله رب العالمين كنت من الناجحين
اي طبيب عاوز اجاوبوا عن اي سؤال بخصوص التسجيل او الدراسة انا جاهز

مبروك إلي ومبروك لجميع الناجحين


alf mabrook dr magdee w ya reet law te2dar tedflna tafaseel zeyada 3an el dr ahmed rabena yebareklk
ana 3andy so2al
7ad 3eref website ne2dar nedawar fe 3la sho3'l f australia ?

dr_glory
01-23-2011, 07:23 AM
الف مليون مبروك ياد.مجدى وياد.احمد
ويارب الموضوع ده يستمر لان ناس كتير متابعاه
ربنا يوفقكم يارب
مستمريين معاكم ان شاء الله

Caesar
01-23-2011, 01:04 PM
لو سمحت انا عندي سؤال, انا رحت للموقع بتاع ال اي ام سي بس اللي شفتو ان الرسم بتاع التسجيل هي 230 دولار اوسترالي
و حضرتك قلت انها 110
انا كنت في الAMC Certificate (Non Specialist) Pathway
يا ترى انا في المكان الصح يا دكتور؟

flexor
02-06-2011, 10:19 PM
شكرا بجد

sirelashry
02-14-2011, 02:04 PM
txxxxxxxxxxxxxxxxxxxxxxx

magdeaaa
02-15-2011, 03:59 PM
لو سمحت انا عندي سؤال, انا رحت للموقع بتاع ال اي ام سي بس اللي شفتو ان الرسم بتاع التسجيل هي 230 دولار اوسترالي
و حضرتك قلت انها 110
انا كنت في الamc certificate (non specialist) pathway
يا ترى انا في المكان الصح يا دكتور؟
نعم انت في المكان الصحيح

Mokhtar
03-04-2011, 06:09 PM
السلام عليكم يا د. مجدى انا عندى كام سؤال كدة بعد اذنك
1-ممكن امتحن و انا لسة فى الامتياز؟
2-انا كنت سمعت ان الواحد لازم ينتظر من سنة و نص لسنتين بين امتحان الmcq و امتحان clinical?
و جزاكم الله خيرا

دعاء طاهر
03-05-2011, 01:01 AM
اريد ان اعرف ما هي المعادلة الاسترالية انا تخصص radiology

docoptra
03-05-2011, 04:04 PM
SALAMO ALEKO DOCS, I VE JUST STARTED INTERNSHIP IN KASR AL AINY SINCE 2DAYS,IAM IN GENERAL SURGERY,UNIT 30(MOSTAFA ABOU EL NASR)
IAM THINKING OF THE AMC VS THE SMLE(but most probably AMC),MY QUESTINS ARE
1.CAN I TAKE THE EXAM IN IMTIAZ
2.AFTER ISA I FINISH THE MCQ AND THE IELTS,HOW CAN I EXACTLY GET A JOB AND WHAT ABOUT THE VISA
3. ON OTHER SITES,PEOPLE ARE SAYING THAT THEY FINISH MCQAND IELTS, THEN APLLY FOR ENGLISH COURSEOR PUBLIC HEALTH MASTER TO GET A VISA TO ENTER AUSTRALIA, HOW EFFIENT IS THAT WAY TOGET AJOB?
4. MY UNCLE HAS THE AUSTRALIAN NATIONALITY, HOW THIS CAN HELP ME ?AND IS THAT WORTH TAKING THE RISK?
5.IF ANYONE CAN MEET WITH ME IN KASR AL AINY,,I AM READYAND LOOKING FORWARDTO IT

PLEASE ANSWER ME

magdeaaa
03-18-2011, 02:47 AM
SALAMO ALEKO DOCS, I VE JUST STARTED INTERNSHIP IN KASR AL AINY SINCE 2DAYS,IAM IN GENERAL SURGERY,UNIT 30(MOSTAFA ABOU EL NASR)
IAM THINKING OF THE AMC VS THE SMLE(but most probably AMC),MY QUESTINS ARE
1.CAN I TAKE THE EXAM IN IMTIAZ
2.AFTER ISA I FINISH THE MCQ AND THE IELTS,HOW CAN I EXACTLY GET A JOB AND WHAT ABOUT THE VISA
3. ON OTHER SITES,PEOPLE ARE SAYING THAT THEY FINISH MCQAND IELTS, THEN APLLY FOR ENGLISH COURSEOR PUBLIC HEALTH MASTER TO GET A VISA TO ENTER AUSTRALIA, HOW EFFIENT IS THAT WAY TOGET AJOB?
4. MY UNCLE HAS THE AUSTRALIAN NATIONALITY, HOW THIS CAN HELP ME ?AND IS THAT WORTH TAKING THE RISK?
5.IF ANYONE CAN MEET WITH ME IN KASR AL AINY,,I AM READYAND LOOKING FORWARDTO IT

PLEASE ANSWER ME
this is a very much question ,and need big time for answering it so .if u are interested u can see this link's
1- http://www.egyptiantalks.org/invb/index.php?showtopic=55413&st=1290 (http://www.egyptiantalks.org/invb/index.php?showtopic=55413&st=1290)

dr.ali-hassan
03-27-2011, 12:14 PM
السلام عليكم :
مشكورين كتير لجهودكم دكتور احمد و دكتور مجدي انا تابعت مشاراكاتكو و مواضيعكو بخصوص استراليا على اكثر من منتدى الله يجزيكو الخير على المعلومات القيمة اللي ذكرتوها
انا بس عندي سؤال عن تكلفة فيزا دراسة لغة او اي شي اللي تعتبر افضل فيزا للوصول لاستراليا و ضمان ان تستطيع تجدد من داخل استرليا ؟
السؤال الثاني الفترة اللي رح أقضيها بين الوصول و الامتحان العملي رح تكون كم ؟ اذا افترضنا انو انا عملت الامتحان الاول خارج استراليا
يا ريت تشرحلنا شوي عن الامتحان العملي دكتور احمد او دكتور مجدي ؟

dr.yasser.m.h
03-27-2011, 03:05 PM
مشكووووووووووووووووووور

drkarim
03-28-2011, 10:36 PM
m3lsh its late bs kan 3ndy so2al
enta knt 2lt mmkn t3adel el USMLE b mo3adlet canada
lazem el 3 steps wla mmkn awel 2???
w ezay???
alf shokr w gazak allah 7'ayran

magdeaaa
03-28-2011, 11:11 PM
السلام عليكم :
مشكورين كتير لجهودكم دكتور احمد و دكتور مجدي انا تابعت مشاراكاتكو و مواضيعكو بخصوص استراليا على اكثر من منتدى الله يجزيكو الخير على المعلومات القيمة اللي ذكرتوها
انا بس عندي سؤال عن تكلفة فيزا دراسة لغة او اي شي اللي تعتبر افضل فيزا للوصول لاستراليا و ضمان ان تستطيع تجدد من داخل استرليا ؟ حياك الله يا عزيزي
بخصوص الفيزا بصراحة بعد التمحيص افضل شي تطلع ع فيزا طالب واتدور ع كورس بزنس certificate business II لانها بصراحة ارخص شي بحيث بتكلف حوالي 1300دولار رسوم الكورس لمدة 3 شهور وبدك احساب في البنك او كفيل يكون بحسابة ما يقارب ال 20000 ألف دولار وما نقصوصش ولا ملين خلال فترة 3 شهور قبل تقديم الطلب وبعدها انشاء الله بتاخد الفيزا
السؤال الثاني الفترة اللي رح أقضيها بين الوصول و الامتحان العملي رح تكون كم ؟ اذا افترضنا انو انا عملت الامتحان الاول خارج استراليا مش فاهم السؤال اكويس
بس بشكل عام انت بعد نجاحك في الامتحان الاول راح تدخل الامتحان الثاني خلال سنتين من فترة النجاح
يا ريت تشرحلنا شوي عن الامتحان العملي دكتور احمد او دكتور مجدي ؟معلش ما عندي خبرة بالموضوع

regard

dr.ali-hassan
03-30-2011, 11:00 PM
شكرا كتير دكتور مجدي ع الاجوبة اللي قدمتها
بالسؤال كان انو اذا انا قدمت الجزء الاول من امتحان المعادلة و سافرت . في فترة معينة لازم اقضيها قبل ما اقدم ع الجزء الثاني من الامتحان و اللي هو الجزء الكلينيكال

lorin
04-11-2011, 10:53 PM
انا عاوزه اعمل معادله استراليا وعاوزه حد يكون بيعملهافعلا يوجهني انا تايهه فعلا مفيش ستدي جروب للمعادله

dr.ali-hassan
04-12-2011, 01:50 PM
السلام عليكم :
أنا طالب طب سنة سادسة من سوريا و تخرجي بشهر 9 انشالله .
بدأت دراسة لامتحان المعادلة الاسترالية من كتب كابلان .هل تعتبر كافية بالاضافة لكتب الاسئلة ؟؟

magdeaaa
04-14-2011, 06:57 PM
السلام عليكم :
أنا طالب طب سنة سادسة من سوريا و تخرجي بشهر 9 انشالله .
بدأت دراسة لامتحان المعادلة الاسترالية من كتب كابلان .هل تعتبر كافية بالاضافة لكتب الاسئلة ؟؟
لا لا تعتبر كافية
عليك دراسة كتاب ال فرست ايد ستب 2
وكتاب ال lang mcq
see this web site
http://www.4shared.com/dir/9HPzSccR/sharing.html

dr.ali-hassan
04-16-2011, 12:12 AM
مشكور كتير دكتور مجدي ع الملفات المفيدة

masterpeter
04-26-2011, 02:49 PM
انا طبيب امتياز بالقصر العيني
وباشتغل في المعادلة الأسترالية حاليا
اي حد في القصر العيني بيشتغل في المعادلة
ممكن يكلمني او يبعت رسالة
وممكن نشتغل مع بعض و نكون فريق عمل

dr.ali-hassan
04-26-2011, 06:17 PM
إذا ممكن دكتور مجدي رابط لكتاب anothology medical condition
شكرا سلفا

masterpeter
05-06-2011, 04:38 PM
i also search for this book
hope someone give us a link

magdeaaa
05-15-2011, 07:57 PM
مساء الخير للجميع
سوري ع التاخير واتفضلوا هي الرابط هادا علية الكتاب
ملاحظة نصيحة حاولوا ما اتضيعوا وقت اكتير ع الكتاب اهم شي انك تحفظ اسم الصور بدون شر ح
لانوا انا بضراحة ما فتحت الكتاب لغاية ما خلصت الامتحان لانوا هيك اغلب اصحابي عملوا
اتفضلوا الكتاب
http://www.4shared.com/folder/rsD8kiAb/antology.html

بالتوفيق

mickey
05-17-2011, 12:21 PM
شكرا لك د/ magdeaaa على تعاونك

ان انشاء الله ناوى ادخل الامتحان على اخر السنة
انا بذاكر من كابلان و جون مورتاج + الام سى كيو
هل ده كافى؟

هو الامتحان فعلا اصبح 150 ام سى كيو فى تلات ساعات و نص؟
نسبة النجاح من كام؟
ايه مدى صعوبة الامتحان مقارنة مثلا ب Q book?

thanks

masterpeter
05-23-2011, 03:50 PM
thanks alot dr magdeaaa for this
mickey i also pepare to enter the exam at end of 2011
i study from kaplan too
if u need to discuss anyinfo with me ur welcome

mickey
05-23-2011, 08:05 PM
ok masterpeter u r welcome too.

dr.ali-hassan
05-24-2011, 03:59 PM
شكرا كتير دكتور مجدي بس عندي سؤال كمان بالنسبة لكتاب Handbook of Multiple Choice Questions
و كتاب Annotated multidisciplinary clinical competency tasks
شو بقدمو شي اضافي ع الكابلان و الفيرست ايد ستب 2 و anthology اذا كان من الضروري الدراسة منهم يا ريت تنزلنا لنك لهالكتب و بكون ممنونك لانو دورت عليهم كتير ما لقيت هو بسوريا و سعر الكتب عالنت غاااااااااااااالي كتير

DR-HATEM
05-28-2011, 07:36 PM
سلام عليكم . في الاول انا اعرفكم بنفسي , انا اسمي د . احمد من الشرقيه من مدينه فاقوس وانا دلوقتي تكليف , النهارده اكلمكم عن موضوع مهم جدا وجميل جدا وهو المعادله الاستراليه من الالف الي الي الياء , من لماذا تفكر فيها مرورا بالتسجيل مرورا بالكتب اللي اتذاكر بها وتوثيق الورق والرسوم ومواعيد الامتحان والتاشيره وخطوط الطيران اللي اتسافر عليها واسعارها ومواعيدها وزاي تبحث عن سكن في استراليا من قبل ما تدخل هناك . كل الخطوات ديه انا عملتها وعن خبره صادقه بدون مبالغه , فاعذروني عن التاخير في الكتابه لاني مشغول بتخليص الورق, علي فكره اللي خلاني اكتب عن الموضوع ده سببين الاول خدمه اخواني من اطباء مصر ونصحهم من مبدا الدين نصيحه والسبب الثاني مرتبط بالاول وهو اني لاحظت اكتر ناس بيقدموا علي الامتحان ده من الهند وبجلادش وافغانستان وباكستان وهم مش احسن من دكاتره بلدي وعلي فكره احنا مستوانا احسن منهم بمراحل فوق ما تصوروا .
اولا : لماذا استراليا :
لاسباب كثيره منها ان المعادله بتاعتها سهله بالنسبه للمعادله الانجليزيه واقل تكلفه بالنسبه للكنديه او الامريكيه , ولان استراليا كما يسموها بلد المهجر وفي عجز شديد بالنسبه للاطباء , وايضا لان الدخل هناك بالنسبه للاطباء اعلي بكثير من مصر ومن دول الخليج , ولا يوجد هناك حكايه كادر الاطباء ولا يحزنون.
ثانيا : التسجيل :
هناك عده خيارات للتسجيل وهي مثلا لو انت واخد المعادله الانجليزيه او الكنديه او الامريكه ممكن تعادلها بالاستراليه ,
طريق اخر وهو اللي كل الناس بتعمله وهو انك تسجل في المجلس الطبي الاسترالي وذلك لدخول الامتحان الخاص بهم والمتحان ده جزءين نظري (mcq ) وعملي , كيف يتم التسجيل هذا هو الي اشرحه لكم حتي لا توجد اخطاء وتاخير حتي لا يحصل كما حصل معي .
اول حاجه تروح للموقع بتاعهم www.amc.org.auثم بعد كده تسجل ولازم يكون عندك ماستر كارد او فيزا علشان تدفع الرسوم الاوليه وهي 175 دولار استرالي , طيب ازاي اتعمل ماستر كارد او فيزا كارد . لو رحت لاي بنك في مصر ايقول لك لازم تفتح حساب 5000 جنيه وتاخذ الكارد , طبعا انت مش معاك . تعمل ايه , روح لبنك مصر واعمل فيزا الانترنت المدفوعه مقدما وديه ب12 جنيه وبعد كده ضع فب المبلغ اللي يناسبك, و علي فكره لازم يكون معاك جواز سفر علشان التسجيل , نرجع لموضوعنا , تدخل الموقع وتسجل , التسجيل من عده خطوات وصفحات وهي كالاتي تكتب اسمك زي ماهو موجود في الجواز حرف حرف , وتخلي الشهاده بتاعتك من الكليه بالعربي والانجليزي ومره تانيه تخلي الشهاده بتاعنك اللي بالانجليزي اسمك فيها زي الجواز بالضبط . بعد ما تسجل اسمك اتروح للصفحه التانيه وتسجيل بياناتك وتاريخ ميلادك وعنوانك واسم كليتك , بعد كده الصفحه الي بعد كده وهي الخطوه المهمه جدا ,

السلام عليكم يعطيك الف عافيه د احمد بس لو سمحت معرفتش افتح صفحت التسجيل بالموقع لو تشرح بالتفصيل

magdeaaa
06-02-2011, 09:57 PM
شكرا كتير دكتور مجدي بس عندي سؤال كمان بالنسبة لكتاب Handbook of Multiple Choice Questions
و كتاب Annotated multidisciplinary clinical competency tasks
شو بقدمو شي اضافي ع الكابلان و الفيرست ايد ستب 2 و anthology اذا كان من الضروري الدراسة منهم يا ريت تنزلنا لنك لهالكتب و بكون ممنونك لانو دورت عليهم كتير ما لقيت هو بسوريا و سعر الكتب عالنت غاااااااااااااالي كتير



بسم الله الرحمن الرحيم


والصلاة والسلام على سيد المرسلين سيدنا محمد وعلى أله وصحبة أجمعين


بخصوص الكتب وطريقة الدراسة والنصائح راح أحاول أضعها بأبسط طريقة ممكنة


بخصوص الكتب وطريقة الدراسة

1- Medicine ------à kaplan_step2_ck + 1stAid for usmle step 2 ck (6th edition)
2- Skin ----à kaplan_step2_ck + John Murtagh (General Practice ) -
3- Surgery---à kaplan_step2_ck أول 60 صفحة بصم وباقي الكتاب فقط مرة واحد أو اثنين
4- Pediatric ----à 1stAid for usmle step 2 ck (6th edition)
5- Gynecology ---à kaplan_step2_ck + John Murtagh (General Practice )
6- Obstetric ---à1stAid for usmle step 2 ck (6th edition)
7- Psychiatric ---à kaplan_step2_ck
Not :- 1stAid for usmle step 2 ck (6th edition) لازم ينقراء من الجلدة للجلدة


بخصوص الكتب الأخرى أو كتب الصور

Only
1-Anthology) only the picture)
2-ECG med easy


بخصوص كتب الأسئلة


يوجد عدة كتب أهم شي هو قراء كل شبتر من الكتب السابقة وحل الأسئلة الموجودة على كل شبتر مباشرة عشان تركز المعلومة . عشان كده هذا هو طريقة وترتيب الكتب حسب من يجب قرأته أولا

1- 1st Aid Q&A for step 2 ck مهم جدا ً
2- kaplan_step2_ck Qbook
3- Lange Q&A USMLE step2_6th ED_2008مهم جدا ً
4- AMC book ( last edition ) مهم جدا جدا حفظ عن ظهر قلب مع الشرح لانوا الاسئلة بتجي عن الشرح الموجود ع الاسئلة .
After that u should solve this web sit
www.usmleworld.com (http://www.usmleworld.com/) or www.canadaqbank.com (http://www.canadaqbank.com/)
أنا شخصياً حليت فقط موقع الـ usmle world

تعالوا شو وين رايحين شو فكركوا خلصنا لا .... عشم ابليس بالجنة .


بعد ها كلوا بتقوم وبتراجع كتاب الــ amc book مع الشرح


وهكذا انشاء الله رب العالمين بتكون من الناجحين


ملاحظة هامة أنا وجميع أصدقائي الذين نجحوا في الامتحان وعددنا 5 لم نقم بقرأه أسئلة السنوات السابقة لأنها مضيعة للوقت وناقصة وكثير منها غير صحيح


ملاحظة جميع الكتب التي تم ذكرها موجدة على الموقع المعهود على الفور شير



موقع لتنزيل الكتب من عملي بفضل الله


http://www.4shared.com/dir/9HPzSccR/sharing.html


http://www.4shared.com/account/dir/9C9f5Gmn/_online.html?rnd=49





لا تنسونا من صالح الدعاء

dr.ali-hassan
06-05-2011, 01:46 PM
الله يجزيك الخير دكتور مجدي الملفات كتير مفيدة مشكور كتير فهمت من اللي كتبتو انو كتباب ال first aid اهم من كتاب murtagh general practice
????
هيك صح ؟

dr.ali-hassan
06-06-2011, 11:08 AM
دكتور مجدي يا ريت تحطلنا الملفات اللي بالرابط الثاني ع موقع تاني لانو عم يوقف التحميل كل مرة عم حاول حمل و م في دعم لاستمرار التحميل اذا بتعمل اب لود ع موقع الرابيد شير بكون ممنونك شكرا كتير سلفا

keblawy
06-07-2011, 05:20 PM
السلام عليكم

شكرا يا دكتور مجدى على المجهود ده ..

الرابط اللى حضرتك كنت كاتبه
http://www.egyptiantalks.org/invb/index.php?showtopic=55413&st=1290

لقيت فيه ان


Ideally, IMGs with provisional registration would benefit from 12-months supervised training in an approved intern position. However, the Board recognises that approved intern positions are limited. As an alternative, the Board requires that provisional registrants (IMGs) undertake a 12-month period of supervised training that is made up of:


فهل ده معناه ان اللى هينجح فى الجزء الاول من المعادله هيعقد 12 شهر امتياز هناك ؟

magdeaaa
06-07-2011, 08:25 PM
الله يجزيك الخير دكتور مجدي الملفات كتير مفيدة مشكور كتير فهمت من اللي كتبتو انو كتباب ال first aid اهم من كتاب murtagh general practice
????
هيك صح ؟
نعم هادا الكلام صحيح
ال قرست ايد اهم من جون مورتاج بدرجات

dr.ali-hassan
06-07-2011, 11:57 PM
شكرا كتير دكتور مجدي ع النصيحة

keblawy
06-08-2011, 03:53 PM
بعد اذنك يا دكتور مجدى بس متنساش سؤالى .. وآسف على الازعاج

magdeaaa
06-10-2011, 03:51 AM
السلام عليكم

شكرا يا دكتور مجدى على المجهود ده ..

الرابط اللى حضرتك كنت كاتبه
http://www.egyptiantalks.org/invb/index.php?showtopic=55413&st=1290

لقيت فيه ان


فهل ده معناه ان اللى هينجح فى الجزء الاول من المعادله هيعقد 12 شهر امتياز هناك ؟
معذرة على التأخير
بصراحة هادا الموضوع معقد وفي حظ وفية شطارة
المهم
في استراليا هم بطلبوا سنتين امتياز عشان اتصير ممارس عام وهم بعترفوا بسنة الامتياز يلي احنا بنعملها في بلدنا الاصلي وبعدها بضل كمان سنة. هون بجي القصمة والنصيب اذا ربنا وفقك يمكن يعتبروا سنوات الخبرة جزء من السنوات الامتياز ويطلبوش منك كمان سنة امتياز ويمكن يطلبوا منك , شو يلي بحدد الله اعلم
بس لو نظرت للموضع من ناحية تانية انت لو طلبوا منك سنة امتياز مش مشكلة لانوا في الاخير راح يدفعولك افلوس عليها وراح يكون مبلغ اكويس .

egyptiandoctor
07-17-2011, 06:23 AM
السلام عليكم ورحمه الله وبركاته
اولا اشكر كل من الدكتور زولا والدكتور مجدي علي جهودهما الرائعه هنا وفي كل المنتديات وجعلها الله في ميزان حسناتهم
اخوكم طبيب امتياز ومش نوي اكمل امتيازي هنا وان شاء الله ناوي ادخل المعادله الاستراليه في اول امتحان في 2012

وارحب باي تعاون مع اي زميل يمشي في نفس الاتجاه

دمتم بكل حب

Peter Marzouk
08-20-2011, 11:52 AM
ازيكو يا جماعه ... شكرا علي المعلومات الجامده والشرح ده كله ...
انا عندي سؤالين .. الاول : ايه هي امكانيه الحصول علي فيزا لدخول استراليا .. عشان امتحان الكلينيكال ... انا سمعت انك لازم تقدم علي كورس عشان تاخد الفيزا .. وكده هتصرف معاك اوي .. الكلام ده صح ولا غلط ؟؟؟
السؤال التاني :oet ولا ielts ??????
شكرا يا شباب علي المساعده

Peter Marzouk
08-20-2011, 11:56 AM
ازيكم يا شباب .. كل سنه وكل الناس طيبين و زي اللوز ..
انا بس كان عندي سؤالين الاول .. Ielts ولا oet ?????
التاني انا سمعت انك وانت طالع استراليا تعمل امتحان الكلينيكال .. تاشيره دخول البد صعبه جدا ... و بتقدم علي كورس كلينيكال عشان يديك غتره 3 شهور لزوم الامتحان .... الكلام ده صح ولا ايه ؟؟
تاعبينكو دايما يا شباب

magdeaaa
08-21-2011, 03:25 PM
ازيكم يا شباب .. كل سنه وكل الناس طيبين و زي اللوز ..
انا بس كان عندي سؤالين الاول .. Ielts ولا oet ?????
التاني انا سمعت انك وانت طالع استراليا تعمل امتحان الكلينيكال .. تاشيره دخول البد صعبه جدا ... و بتقدم علي كورس كلينيكال عشان يديك غتره 3 شهور لزوم الامتحان .... الكلام ده صح ولا ايه ؟؟
تاعبينكو دايما يا شباب
مساء الخير للجميع
الكلام هادا مش صحيح انت لما اتحدد موعد امتحانك العملي بتقدر تاخد فيزا مدتها شهر واحد على الاقل وهادي المدة كافبة لانوا الامتحان مدة يوم واحد فقط .

egyptiandoctor
08-30-2011, 07:03 AM
مساء الخير للجميع
الكلام هادا مش صحيح انت لما اتحدد موعد امتحانك العملي بتقدر تاخد فيزا مدتها شهر واحد على الاقل وهادي المدة كافبة لانوا الامتحان مدة يوم واحد فقط .

الاسهل حصوولك علي فيزا طالب من الناحيه التقنيه....................ومن الناحيه العمليه فيزا طالب يمكن تحويلها لفيزا عمل اما الفيزا الثانيه فلا يمكن

وفيزا طالب بها فرصه العمل وفرصه المكوث والبحث عن وظيفه كطبيب

ودمتم بكل الود

dr susu
09-08-2011, 06:37 AM
السلام عليكم شكرا ع الموضوع المفيد ومشكورين ع جهودكم انا طالبة بسنة خامسة وجالسة اجمع معلومات عن المعادلة الاستراليةلاني حابة اقدم بعد امتياز ان شاء الله فعايزة اسال انا عمي باسترالياومعاه الجنسية الاسترالية فكيف الموضوع دا ممكن يساعدني في حكاية الدخول؟؟؟وهو في مدينة بيرث فلو نجحت في mcq و ايليتس وعرفت ادخل هل الشغل في ذي المدينة متاح؟؟؟ وبعدين لما الواحد يدخل ويشتغل gp وحابب يتخصص وياخذ زمالات اي النظام؟؟؟؟ ياليت حد يجاوبني بليييييييز وشكرا مقدما يارب يحقق لنا امانينا ويعطينا فوق احلامنا

dr mind
10-22-2011, 12:10 AM
موضوع رائع

DrShaheen
11-18-2011, 11:46 PM
دكتور أحمد ودكتور مجدي مبروك النجاح وان شاء الله تبلغونا ايش صار معكم الان

DR-HATEM
01-14-2012, 01:57 PM
الله يعطيك الف عافية دكتور والله يسرلك امرك

dr white
02-13-2012, 04:05 AM
فين الاخبار يا دكاترة في ناس قاعدة علي نار

انا بدات مذاكرة لو فيه حد من الزملاء هيبتدي ياريت نساعد بعض


لكم فائق الشكر والتقدير

Peter Marzouk
04-14-2012, 05:58 PM
شباب واحشيني بجد و يا ريت نرجع نشد زي زمان ... طبعا دكتور احمد اختفي .. ومش عارف اخويا دكتور مجدي عامل ايه دلوقتي ... انا دخلت ايلتس يا شباب .. قلت ادخله بما اني مبذاكرش :)) ... جبت 7 اوفر اولacademic
8 reading
listening 7
speaking 7
writing lel asaf 6
بس مش عارف ده كده كفايه ولا ايه ... فياريت لو اي حد من الدكاتره يقدر يقولي عشان اعمل حسابي بس
وربنا مع الكل وكله يحقق احلامه باذن الله

magdeaaa
04-16-2012, 07:15 PM
شباب واحشيني بجد و يا ريت نرجع نشد زي زمان ... طبعا دكتور احمد اختفي .. ومش عارف اخويا دكتور مجدي عامل ايه دلوقتي ... انا دخلت ايلتس يا شباب .. قلت ادخله بما اني مبذاكرش :)) ... جبت 7 اوفر اولacademic
8 reading
listening 7
speaking 7
writing lel asaf 6
بس مش عارف ده كده كفايه ولا ايه ... فياريت لو اي حد من الدكاتره يقدر يقولي عشان اعمل حسابي بس
وربنا مع الكل وكله يحقق احلامه باذن الله
مساء الخير للجميع وانشاء نسمع اخبار حلوة من الجميع
بخصوص علامتك يا دكتور للأسف مش راح اتفيدك لانوا لازم بكل المديول اتكون خايب فوق ال7 ولو وحدة أقل من سبعة لازم اتعيد الامتحان بشكل عام علامتك اكتير حلوة وانشاء الله المرة القادمة اتجيب كل الدرجات فوق ال 7

بخصوصي انا بصراحة صرت مقدمت الايلتس 3 مرات واحسن مرة كان الاسكور
reading6.5
listening 6.5
speaking 6
writing 6
وانشاء الله المرة القادمة الامور تظبط اجيب اسكور اكويس مع اني اشك
ملاحظة:: الايام هادي إجاد فرصة عمل في استراليا صار اصعب من زمان هشان هيك كل واحد يفضل يحاول ينجح ويلاقي شغل في اسرع وقت لانوا اكيد بعد سنة ونص او سنتين بالكتير راح اتصير الامور في استراليا زي بريطانيا شبة مستحيلة ....
بالتوفيق للجميع

Peter Marzouk
04-17-2012, 05:22 AM
دكتور مجدي شكرا يا باشا والحمد لله علي الوحش قبل الحلو
عاوز تنجز في الايلتس ... عاوز مدرس صايع .. يكون عارف خبايا ال writing ... اللي انا خدت عنده كان علي قده ... باقي الحاجات مجرد practice لا اكتر ولا اقل ... صدقني انا كنت داخا عامل حسابي علي 5 .. بس ربك اكيد ليه حكمه :)
انا انشاء الله ناوي افتح فيرست ايد عشان محاولات فتح مورتاج كلها فشلت .. مع انه كتاب رائع جدا للي عاوز يفهم طب ... لكن خلينا صرحا احنا يهمنا ال score .. ف علي بركه الله هشد في فرست ايد واللي مش هلاقيه هجيبه من مورتاج ... وميرسي يا مان انك متابع ومسيطر .. ولو احتجت مني اي حاجه ده ايميلي dr_petermarzouk@yahoo.com

magdeaaa
04-20-2012, 11:33 PM
دكتور مجدي شكرا يا باشا والحمد لله علي الوحش قبل الحلو
عاوز تنجز في الايلتس ... عاوز مدرس صايع .. يكون عارف خبايا ال writing ... اللي انا خدت عنده كان علي قده ... باقي الحاجات مجرد practice لا اكتر ولا اقل ... صدقني انا كنت داخا عامل حسابي علي 5 .. بس ربك اكيد ليه حكمه :)
انا انشاء الله ناوي افتح فيرست ايد عشان محاولات فتح مورتاج كلها فشلت .. مع انه كتاب رائع جدا للي عاوز يفهم طب ... لكن خلينا صرحا احنا يهمنا ال score .. ف علي بركه الله هشد في فرست ايد واللي مش هلاقيه هجيبه من مورتاج ... وميرسي يا مان انك متابع ومسيطر .. ولو احتجت مني اي حاجه ده ايميلي dr_petermarzouk@yahoo.com
تم الاضافة على الهوت ميل
بالتوفيق يا رب. يا عم بيتر وانت لو عاوز أي مساعدة انا جاهز

THRIR
04-23-2012, 06:16 PM
أخيراً يعلن مركز كونكت التعليمى بمدينة نصرحصريآ ولأول مرة بمصر
عن بدا الكورس الاحترافى (الثانى) فى المعادلة الاسترالية (AMC)
Bridging course للأطباء المصريين والعرب باسعار فى المتناول وذلك بناء على رغبة الأطباء
-------------------------------------------------------------------------
للحجز والاستعلام يرجى الاتصال عن طريق الهاتف (01002197077) أو على (22602678) يوميا من الساعة 10 ص وحتى 8 م
-------------------------------------------------------------------------

ولمعرفة المزيد من كورسات كونكت سنتر يرجى الاشتراك فى صفحتنا
http://www.facebook.com/pages/CoNNect-Training-Centre/200640203348531

Peter Marzouk
05-20-2012, 10:05 PM
دكتور مجدي بعد اذنك سؤال غلس و قارفني في عيشتي ... في ناس بتتكلم دلوقتي عن ان مفيش فرص عمل خالص ب amc 1 .. مش عارف الكلام ده ايه صحته .. ولا ده في كل الولايات ولا ايه ...بصراحه الموضوع ده جايبلي احباط وخايف بعد تعب الامتحان ملاقيش شغل في استراليا .. ف تفتكر ايه صحه الكلام ده

magdeaaa
05-21-2012, 03:51 PM
دكتور مجدي بعد اذنك سؤال غلس و قارفني في عيشتي ... في ناس بتتكلم دلوقتي عن ان مفيش فرص عمل خالص ب amc 1 .. مش عارف الكلام ده ايه صحته .. ولا ده في كل الولايات ولا ايه ...بصراحه الموضوع ده جايبلي احباط وخايف بعد تعب الامتحان ملاقيش شغل في استراليا .. ف تفتكر ايه صحه الكلام ده
بصراحة هادا سؤال صعب اشوي , بس خلينا انكون صريحين مع بعض!!!!!
حاليا فرصة انك تجد شغل بعد ما تنجح الامتحان الاول والنجليزي فقط تكاد تكون مستحيلة إلا إذا كان معك جنسية استرالية او اقامة دائمة مع فترة خبرة 3سنوات او اكتر في مجال الطب
اما لو انت ناجح الامتحانين الاول والثاني ومعاك الايلس معناتوا فرصتك اكيد راح تفرق اكتير وهادا الكلام بتصور لغاية سنة او سنتين وبعدها راح تكون فرصة ايجاد عمل مستحيلة حتى لو انت معك كل شيء ... مع العلم انوا الرزق على الله.

ومن الاخر انا لو حاليا بدي ابدا بمشورع المعادلة الاسترالية من الصفر إذا لم يكن معي اقامة في استراليا لن افكر فيها نهائياً, لان فكرة تنجح الامتحان الاول والثاني والانجليزي بدها على اقل تقدير 16 شهر هادا لو انت اسد وكل امورك ميسرة
:(

alexpheron
11-01-2012, 11:01 AM
الف الف شكر

aadam222222
01-08-2013, 02:41 PM
حد يفيدني يا جماعه . هو ممكن اسافر استراليا بعد النجاح في amc والايلتس بس من غير ما اخد سنة امتياز ف مصر؟

magdeaaa
01-09-2013, 08:24 PM
حد يفيدني يا جماعه . هو ممكن اسافر استراليا بعد النجاح في amc والايلتس بس من غير ما اخد سنة امتياز ف مصر؟
بسم الله رحمن الرحيم
في بداية الامر انت مش ممكن تطلع وتشتغل إلا وانت معاك الشهادة الكرتون وبدونها ولا شي ممكن يصير وعشان هيك انت مطر تاخد الامتياز عشان تحصل على الشهادة الكرتون

بصراحة انا من الاطباء الذين كانوا مهتمين بموضوع استراليا ...... بس بعد التجربة استراليا مشورها اصبح طويل وصعب جدا وبصراحة إذا ما في حدا بقربك و يستقبلك عندوا ويساعدك بالفيزا والمعيشة .... راح تجد انوا من الصعب إجاد عمل ولو تم إجاد عمل فأنة من الصب جدا جدا جدا انك تقدر تدخل تخصص.... يعني هادي الايام لو ربنا وفقك وقدرت إتلاقي عمل بدك قرابة 3 او 4 سنوات لغاية ما إتلاقي برنامج تخصص......
وفي النهاية بنقول انو الرزقة والشغل في يد الله ويمكن ربنا يوفقك من اول شهر ..... بس بشكل عام الدنيا بطلت زي الاول .

aadam222222
01-09-2013, 10:06 PM
بس اللي اعرفه ان ممكن وانت ف امتياز تقدم طلب للحصول علي الشهاده الكرتون وتاخدها عادي وبكده المشكله اتحلت لو هي متوقفه علي الشهاده فقط

dr.a.gh
02-10-2013, 02:28 AM
انا سجلت في الموقع عشان موضوع حضرتك القيم
بس عندي سؤال لو سمحت ازاي اتحايل على موضوع ايلتس او oet وشكرا

دكتور محمد حلمى
02-14-2013, 02:46 PM
مشكور بارك الله فيك

ندي محمد
03-06-2014, 11:32 AM
موضوع ممتاز جزاك الله خيرا